Balena Blu, rrëfimi tronditës: Mos u gënjeni se ju vret (Video)

Balena Blu, rrëfimi tronditës: Mos u gënjeni se ju vret (Video)

Lëvizja Besa ja planin për Kumanovën dhe Likovën
Mijallkov tërhiqet nga politika
“Kandidoj për kryetar të partisë nëse…”
LSDM flet shqip vetëm në fushatë zgjedhore! Arsovski: Zaev e ka të vështirë t’i ruaj votat shqiptare (VIDEO)

Vajza adoleshente nga Gjirokastra rrëfen sesi e përfshinë njerëz të panjohur në internet në lojën vrasëse Balena blu.

Ajo tregon sesi dëmtonte veten fizikisht dhe i dërgonte foto kriminelëve në distancë. Dhe sesi u zbulua nga mësuesja e shoqet. Adoleshentja paralajmëron moshatarët t’i rrinë larg lojës që mund t’u marri edhe jetën.

“Kam lozur lojën Balena Blu e cila është një lojë e rrezikshme.

Kam luajtur në telefonin e shoqes sime e cila e kishte si aplikacion në telefon dhe bashkë me atë luajtëm. Pasi nisëm ta luanim këtë lojë të rrezikshme ka qenë shumë e vështirë për ta lënë, pavarësisht se informacionet i kam marre pasi kam nisur ta luaj lojën. Por ka qenë shumë e vështirë për ta lënë. Loja na kërkonte disa veprime të rrezikshme për ta bërë si për shembull, të kërkonte informacionet e tua si emri, ditëlindja, mosha, emrat e prindërve dhe informacione rreth vetes. Të kërkonin fotot e tua dhe të prindërve. Komunikimi bëhej në anglisht jo shqip, se ajo lojë nuk është bërë këtu. Gjithashtu kërkonte të gjuaje veten me shpullë dhe që të ishte i sigurt të kërkonte foto. Kërkonin të rrije pa bukë, të zgjoheshe në ora 4.00 të mëngjesit, ose të presësh duart në formën e balenës ose damarët.

Aktualisht unë kam arritur në nivelin 33 që të kërkonte të prisje damarët gjë që unë nuk e arrita dhe pata guximin që para një dite, pra para se të shkoja në nivelin 33 u kam thënë shoqeve se e luaj këtë lojë, nuk e di si po ai më kishte kërkuar që të mos i tregoja njeriu. Dhe shokët e mi menduan që të premten që s’kisha shkuar në shkollë mos më kishte ndodhur ndonjë gjë dhe lajmëruan mësuesen dhe i thanë se unë e përdorja këtë lojë të rrezikshme. Dhe ajo më ka ardhur në ndihmë dhe e denoncoi edhe në polici këtë lajm.

Ju them të gjithë bashkëmoshatarëve dhe prindërve që të mos e luajnë këtë lojë se është e rrezikshme dhe janë të gjitha të vërteta dhe ata të thonë që nëse vdes fiton lojën ose ngjallesh prapë, gjë që s’është e vërtetë se unë s’kam parë njeri që të ngjallet. Dhe nëse në rrjetet sociale ju flet Balena Blu, se ju flet edh aty dhe ju merr edhe numrin e telefonit, ju duhet t’i thoni “jo” ose të shkoni në polici ta denonconi”, rrëfen vajza. /Tch/

Nëse shtypni reklamat më poshtë mundësoni funksionimin e portalit tonë. Ju falemnderit.