Danimarkë, Islami “shpjegohet” me trëndafila

Danimarkë, Islami “shpjegohet” me trëndafila

Ja si i ka siguruar përgjimet Zoran Zaev
Ivanovi do ia japë mandatin brenda 1 minute, ja vendimi që duhet të marrë Zaevi
Dega e BDI-së kaloi në LR-PDSH (FOTO)
Vrasje në tentativë ndaj një banori 42-vjeçar në Kërçovë

Në aktivitetin e emërtuar “Unë Jam Musliman” i zhvilluar në kryeqytetin e Danimarkës, Kopenhagen, janë shpërndarë trëndafila për qytetarët danezë, raporton Anadolu Agency (AA).

Degët rinore të Komunitetit Islam të Danimarkës kanë zhvilluar aktivitetin “Unë Jam Musliman” në çadrën e stolisur përreth me minare maket në sheshin e bashkisë.

Të rinjtë të cilët janë përpjekur të thyejnë paragjykimet e formuara në media kundër Islamit dhe muslimanëve, afërsisht 2 orë kanë shpërndarë trëndafila për danezët dhe iu kanë shpjeguar Islamin.

Për gazetarin e AA-së të rinjtë janë shprehur se këtë aktivitet e zhvillojnë kryesisht për muajin e Ramazanit dhe se janë përpjekur t’iu shpjegojnë danezëve rëndësinë e këtij muaji për muslimanët.

Qytetarët dhe turistët kanë shfaqur reagime pozitive ndaj të rinjve vullnetarë.

Komuniteti Islam i Danimarkës në 6 vitet e fundit zhvillon aktivitete të ndryshme për t’iu shpjeguar qytetarëve danezë islamin dhe muslimanët. Edhe në muajt e dimrit në një aktivitet, duke shpërndarë për qytetarët çokollatë të ngrohtë dhe bukë është përpjekur të japë një imazh pozitiv rreth Islamit dhe muslimanëve.

Nëse shtypni reklamat më poshtë mundësoni funksionimin e portalit tonë. Ju falemnderit.