Ministria e Shëndetësisë deklarohet për vdekjen e tri foshnjave në Shkup

Ministria e Shëndetësisë deklarohet për vdekjen e tri foshnjave në Shkup

Katica po e presim kthimin e Gruevskit nga Stambolli…
Aksident në Bogovinë, dy të lënduar rëndë
Rënie e madhe e temperaturave në Shkup
Ngjarje e rëndë, i riu hidhet nga kati i shtatë i pallatit

Ministria e Shëndetësisë përmes një njoftimi ka dhënë informacione në lidhje me vdekjen e tri foshnjave të porsalindura në Klinikën për Gjinekologji në Shkup.

Sipas informacioneve të Klinikës për Gjinekologji dhe Akusheri, pacientja I.M është hospitalizuar më 21 gusht në Klinikë me dhimbje barku. Nga Ministria e Shëndetësisë thonë se të njëjtën ditë ajo ka lindur trinjake në javën e 27 me prerje cezariane.

“Foshnjat e lindura janë pranuar nga pediatri dhe akushere në sallën e operacionit. Me familjen është biseduar disa herë, me qëllim që t’u sqarohet gjendja e foshnjave, tretmanin dhe mundësinë për mbijetesë, ndërsa në ditën e nesërme është konstatuar vdekja e të tre foshnjave”, thuhet në njoftimin e MSH-së.

Ata shtojnë se kanë formuar një komision i cili do të hetojë rastin, me qëllim që të vërtetojë trajtimin e përgjithshëm të nënës dhe foshnjave në përputhshmëri me protokolet mjekësore.

REKLAMIM – UKA Komerc