Njerëzit e Ivanovit kacafyten me serbët

Njerëzit e Ivanovit kacafyten me serbët

Komandant Hoxha me këtë shkrim ia jep disa shuplaka Blerim Latifit
Tërmeti shkund Tiranën
Shikoni pamjet me dron të xhamisë së Namazgjasë. Deri tani kanë përfunduar 75% të punimeve
Ja çfarë thotë Muhamed Zekiri për Ligjin për gjuhën shqipe

“Unë nuk jam personi përgjegjës i cili jep miratim për qëndrim në Kuvendin e Republikës së Maqedonisë, e as cilitdo organi tjetër të drejtorisë shtetërore”, theksoi në një deklaratë për MIA-n Sinisha Aleksoski, këshilltar për sigurinë kombëtare të presidentit të Republikës së Maqedonisë, të cilin zbuluesi serb Goran Zhivaljeviq e theksoi si person i cili i ka dhënë leje të jetë në Parlamentin e Maqedonisë gjatë dhunës së 27 prillit të këtij viti.

“Mendoj se këtë e ka bërë që përmes meje të sigurojë alibi dhe ta arsyetojë sjelljen e tij të paautorizuar dhe joprofesionale, kundrejt ligjeve të Republikës së Maqedonisë. Dua të theksoj se unë nuk e di arsyen për qëndrimin e tij në Kuvend”, thekson Aleksovski në intervistën për MIA-n të cilën në vazhdim e transmeton në tërësi. Nëse dhe kur keni pasur kontakt me z. Zhivaljeviq natën e 27 prillit? Para, gjatë ose pas ngjarjeve në Kuvend? – Në orën 20:23 më 27 prill filloi komunikimi, kur mora porosi me pyetjen nga ai me përmbajtjen “gjendje e jashtëzakonshme”. Nuk u përgjigja. Në orën 20:37 pranova një porosi, këtë herë me fotografi nga ai në sallën kuvendore, në çka u përgjigja me pyetjen përmes porosisë “çka bën atje?”. Kjo fotografi deri më tani nuk është publikuar në opinion. Mendoj se këtë e ka bërë përmes meje për të siguruar alibi dhe ta arsyetojë sjelljen e tij të paautorizuar dhe joprofesionale, kundrejt ligjeve në Republikën e Maqedonisë. Dua të theksoj se unë nuk e di arsyen për qëndrimin e tij në Kuvend. Por, ai thekson se ju ka njoftuar për veprimin e tij në Kuvend? – Unë nuk jam personi përgjegjës i cili jep miratim për qëndrim në Kuvendin e Republikës së Maqedonisë, e as cilit do organi tjetër të drejtorisë shtetërore. Përkundrazi edhe unë kur shkoj në Kuvend, këtë e bëj me paralajmërim të rregullt dhe leje nga personi i autorizuar. Edhe unë pyes: kush dhe kur e ka drejtuar në Kuvend, çfarë veprime ka ndërmarrë dhe nëse në përgjithësi ka kërkuar leje me shkrim ose me gojë nga personi i autorizuar dhe organi kompetent shtetëror? Për çka keni biseduar Zhivaljeviq atë natë? Nëse dhe kur e keni njoftuar Kabinetin e presidentit për këtë? Nuk kemi biseduar. Siç theksova paraprakisht, ai më ka dërguar porosi tekstuale, të përcjellë me fotografi se ka qenë në sallën e Kuvendit, në çka i ktheva “çka bën aty?”.

Për porositë, kuptohet, menjëherë kam njoftuar dhe parashtrova raporte në pajtim me protokollet e sigurisë. A ka praktikë për një komunikim të tillë të këshilltarit të sigurisë nacionale të presidentit? – Përshkrimi i detyrave të mia në punë është të komunikoj me personelin diplomatik në ambasadat, të cilat janë kompetente për çështjet e sigurimit dhe bashkëpunimit me shërbimet, duke i respektuar protokollet .