Shpallet i vdekur tre herë, gërhet në tavolinën e autopsisë

Shpallet i vdekur tre herë, gërhet në tavolinën e autopsisë

Siriani thërret ezanin në Alhambra dhe provokon entuziazëm tek turistët (video)
“Arrestohet” pëllumbi që trafikonte drogë
Shqiptari shpik vaksinën kundër kancerit, përlotet nga gëzimi
Njeriu që ‘u vra’ në tri sulme të ndryshme (FOTO)

Familja e një të burgosuri në Spanjë, i cili u deklarua i vdekur nga tre mjekë, para se të zgjohej sërish teksa po i bëhej autopsia, kanë kërkuar lirimin e tij nga burgu.

Gonzalo Montoya Jimenez, 29 vjeç, filloi të gërhiste në tavolinë e autopsisë në një morg në Asturia, katër orë pasi vdekja e tij u konfirmua të dielën në mëngjes.

Burri i cili të martën ishte gjithashtu gjallë, ishte shëruar në spital, ndërsa autoritetet hapën hetime për rastin misterioz.

I burgosuri u zbulua në qelinë e tij nga rojet rreth orës 8 të dielën, duke mos treguar shenja jete.

Vdekja e tij u vërtetua së pari nga mjeku në ndërrimin e natës, pastaj nga një i dytë që mori detyrën më vonë dhe në fund nga një specialist i mjekësisë ligjore para se të nisej për në morg.

Anëtarët e familjes zbuluan dje se Montoya Jimenez ishte përpjekur të bënte vetëvrasje duke marrë një mbidozë të barbiturates si dhe duke akuzuar autoritetet e burgut për dështimin e tyre në kontrollin e hyrjes së barnave në burg.

“Pilulat merren siç duan (të burgosurit),” tha Luis Manuel Montoya, xhaxhai i tij, sipas gazetës lokale La Voz de Asturias.

Ai dhe anëtarët e tjerë të familjes u mblodhën në spitalin e qytetit të Oviedo,ku thanë se do të kërkonin lirimin e menjëhershëm të Montoya Jimenez si kompensim për atë që ata e kishin quajtur neglizhencë.

29-vjeçarit i kanë mbetur edhe shtatë muaj për të kryer dënimin e tij, nën akuzën e vjedhjes së hekurishteve.

I tronditur nga tentativa vetëvrasjeje e nipit të tij, ai tha se megjithatë e kuptonte atë. “Ai është i ri, është 29 vjeç dhe e ka tërë jetën para. Ai ka qenë në burg tre vjet dhe nuk mund të vazhdojë më. “

Babai i të burgosurit, José Carlos Montoya, tha se kishte tentuar të varte veten në qelinë e tij shtatë muaj më parë.

Fillimisht u sugjerua që Montoya Jimenez mund të ketë pësuar një rast të rrallë të katalepsisë, një gjendje nervore që shkakton një gjendje të papërgjegjshme. Testet kanë treguar që koma e shkaktuar nga mbidoza, së bashku me hipotermi të rënda, mund të ketë maskuar shenjat e tij jetësore./OraNews/

Nëse shtypni reklamat më poshtë mundësoni funksionimin e portalit tonë. Ju falemnderit.