Turqia paralajmëron Gjermaninë: Mësohu si të sillesh, po deshe marrëdhënie të mira

Turqia paralajmëron Gjermaninë: Mësohu si të sillesh, po deshe marrëdhënie të mira

Veterani i UÇK-së nga Poroji i dënuar me burgim të përjetshëm me mallëngjim kujton 16 vjetorin e humbjes së vëllait të tij dëshmor i UÇK-së
NERVOZOHET KANDIDATI PER KRYETAR TË SARAJIT NË DEBAT (VIDEO)
VMRO-DPMNE e la jashtë Muhamedin
Talat Xhaferi viziton Ulqinin shqiptar (FOTO)

Turqia ka paralajmëruar Gjermaninë të “mësojë si të sillet” nëse do të mbajë gjallë marrëdhënien mes vendeve.

Ministri i Jashtëm turk, Mevlut Cavusoglu, në një deklaratë për shtyp tha se Gjermania dhe Perëndimi luajnë me standarde të dyfishta. Deklarata erdhi pasi qyteti jugperëndimor i Gaggenau tërhoqi lejen për një takim ku ministri turk, Bekir Bozdag, pritej të mbante një fjalim si  pjesë e përpjekjeve për të fituar sa më shumë mbështetje nga qytetarët turq që jetojnë në Gjermani, mbi referendumin e prillit, për zgjerimin e fuqive presidenciale të Erdoganit.

“Sjellja e Gjermanisë nuk i përshtatet principeve të demokracisë dhe lirisë së shprehjes. Gjermania dhe sistemi i saj mundohen të na japin mësime demokracie, duke ndërhyrë në punët e brendshme të shtetit turk. Dhe kjo do të thotë të kesh standarde të dyfishta. Pas tentimit të grusht-shtetit, vitin e kaluar, qytetarët tanë u tubuan dhe presidenti Erdogan donte t’u jepte atyre një mesazh përmes një transmetimi live, por nuk u lejua. Por, tani shpejt, iu dha leje grupit terrorist PKK dhe liderit të tyre, Kandil, që nga Iraku i veriut të lidhen live me mbështetësit në Gjermani. Kjo është e papranueshme. Nëse doni të mbani marrëdhënie me ne, duhet të mësoni si të silleni! Ky është mesazhi ynë për Gjermaninë”,- tha ministri i Jashtë i Turqisë, Mevlut Çavusoglu.

Edhe qyteti i Kölnit bllokoi një event ku ministri turk i Ekonomisë do të mbante një fjalim për shkak të shqetësimeve lidhur me sigurinë.

Komentet reflektojnë një marrëdhënie të tensionuar mes dy vendeve, e testuar së fundmi edhe nga arrestimi në Turqi i Deniz Yucel, një korrespondent për gazetën gjermane “Die Welt”. Gjermania tha se ky akt, i paprecedent për një korrespondent gjerman, ka shkaktuar një dëm të madh në lidhjen mes palëve./TVM2/

Nëse shtypni reklamat më poshtë mundësoni funksionimin e portalit tonë. Ju falemnderit.