Vdes dëshmitari kryesor i Rastit Kumanova

Vdes dëshmitari kryesor i Rastit Kumanova

Qeveria ka shkarkuar dhe ka emëruar drejtorë dhe funksionarë të rinj
Ky është numri i muslimanëve që po agjërojnë në Rusi
Maqedoni-Shqipëri, mbledhje e përbashkët në vjeshtë (VIDEO)
Le Pen: Po fitova do ta nxjerr Francën nga BE dhe NATO

Kumanovë, 15 shtator – Mbrëmë në orët e vona të natës ka ndërruar jetë Nimetulla Abdullai nga fshati Hotël, punonjës i Drejtorisë për Siguri dhe Kundërzbulim (DSK) në Kumanovë. Gazeta KOHA merr vesh se Nimetullai ka vdekur pas një sulmi në zemër, ndërsa ndihma e parë i është ofruar në Ambulancën e Likovës, nga edhe është nisur për në Spitalin e Kumanovës. Megjithatë, i ndjeri ka dhënë frymën e fundit rrugës për në Kumanovë. Në Policinë e Kumanovës dhe në Spitalin e këtij qyteti e konfirmojnë vdekjen e Nimetullait, ndërsa për KOHA thonë se arsyet e vërteta të vdekjes do të dihen pas obduksionit që do t’i bëhet trupit të të ndjerit. Ndryshe, Nimetulla Abdullai së fundmi ishte në qendër të vëmendjes pas nisjes së seancave gjyqësore kundër të ashtuquajturit Grupi i Kumanovës, ku të akuzuar të shumtë nga Kumanova, por edhe nga Kosova e kërkonin Nimetullain si dëshmitar në gjyq, pasi nga dëshmitarët ishte potencuar se, punonjësi i DSK-së kishte njohuri për aktivitetin e Grupit të Kumanovës. Ishte Sevdail Miftari, i akuzuar në rastin e Kumanovës ai që disa herë kishte përmendur disa biseda me të ndjerin Nimetulla Abdullahu. “Nimetullah Abdullahu i ka organizuar të gjitha. Këta që po akuzohen për logjistikë nuk i njohë. Pse fshihen të tjerët? I merrni njerëz që ruajnë bagëti dhe i burgosni. Ku është Nimetullah Abdullahu të vijë këtu? Ai ishte afër meje”, kishte thënë mes tjerash Miftari. (koha.mk)

Nëse shtypni reklamat më poshtë mundësoni funksionimin e portalit tonë. Ju falemnderit.