Vrasja e Bojkut, ja infot e reja

Vrasja e Bojkut, ja infot e reja

Horror në një fshat të Tetovës: Vëllai 13-vjeçar përdhunon motrën e tij 15-vjeçare
Kush do të jenë ministrat e ri nga radhët e BDI-së ?
Merkel: Irani dhe Rusia do të përgjigjen për Alepon
Ja çka po zihet në BDI për kandidaturat për zgjedhjet lokale

Nuk ka ende asnjë të dyshuar për vrasjen e Dilaver Bojkut. Policia është duke punuar në mënyrë intensive në kapjen e autorit. Nga SPB Ohër për TV Shenja thanë se në bisedë informative kanë ftuar disa persona dhe janë realizuar anketa me qytetarët.
Përveç autorit, për MPB-në të paktën zyrtarisht janë ende të panjohura edhe motivet e vrasjes. Në opinion spekulohet se bëhet fjalë për hakmarrje.

Kujtojmë se Dilaver Bojku – Leku u qëllua për vdekje tre ditë më parë me plumb në kokë, në restorantin e tij “Aqua Blue”.

Vrasësi në momentin që ka shtënë ndaj Bojkut, është larguar nga vendi i ngjarjes. Pas tij janë nisur edhe djali i të ndjerit dhe një person tjetër, të cilët janë ndalur në momentin kur sulmuesi ka filluar të gjuaj me armë zjarri edhe ndaj tyre.

“Bosi i prostitucionit në Ballkan”, siç edhe njihej Bojku, vazhdimisht ka pasur problem me organet e rendit. Kundër tij deri në vitin 2001 janë ngritur 17 padi për ndërmjetësim gjatë prostitucionit.

Në vitin 2003, gjykata i shqiptoi dënim prej gjashtë muajve me burg për tregti me njerëz, por Bojku u largua nga burgu i Strugës.

Dy muaj pas ikjes ai u arrestua në Ulqin dhe u ekstradua në Maqedoni ku u dënua me katër vjet burg. Pas përfundimit të dënimit, Bojku përfshihet në biznes legal në sferën e turizmit dhe hotelierisë.