Manchester United thuhet se është i gatshëm të thyejë rekordin e klubit për të nënshkruar me Eduardo Camavinga. Camavinga, 20 vjeç, iu bashkua Real Madridit në vitin 2021 nga Rennes për rreth 30 milionë euro si një zëvendësim afatgjatë për Casemiro.
Pas largimit të brazilianit, Camavinga ka pasur një rol më të spikatur në skuadër dhe Madridi tani kërkon 130 milionë euro për të. Dhe sipas Fichajes.net, kjo është një shumë që tek United janë të gatshëm ta paguajnë.
Erik ten Hag është i etur për të përforcuar mesfushën e skuadrës së tij dhe Camavinga i plotëson të gjitha kriteret. Megjithatë, raporti thekson gjithashtu se Los Blancos nuk kanë interes ta shesin francezin.
Manchester United synon të sigurojë shërbimet e Frenkie de Jong në verë dhe të marrë një sulmues të ri. Harry Kane, Tammy Abraham dhe Victor Osimhen janë tre sulmuesit e vënë në shënjestër nga Djajtë e Kuq.
Një portier i ri mund të jetë gjithashtu një nga objektivat e merkatos së verës, me United të lidhur me Illan Meslier dhe David Raya të vënë në shënjestër si pasardhës të mundshëm të David De Gea-s. Megjithatë, këto plane mund të prishen nëse Glazers bëjnë një kthesë në vendimin e tyre për të shitur klubin.
.