January 31, 2023
Portali Shprehja

25 autobusë ekologjikë jashtë qarkullimit, NQP-ja dhe Qyteti i Shkupit pa përgjigje

Si masë kundër ndotjes së ajrit, transportuesit privatë i sollën 25 autobusë ekologjikë, por pas një viti punë, të njëjtit nuk janë në qarkullim. Ata thonë se respektuan rekomandimet e autoriteteve, por këta të fundit i lanë pa punë. NQP-ja dhe Qyteti i Shkupit, pa përgjigje.

“Që kryeqyteti të ketë sa më pakë ndotje, transportuesit privat blenë rreth 25 autobus ekologjik që kushtuan 750 mijë euro, por pas një vitit këto autobus qëndrojnë të parkuar nëpër parkingje të ndryshme dhe janë jashtë funksionimit”, raporton Mefail Ismaili, gazetar.

Transportuesit privat të dëshpëruar thonë respektuan të gjitha kërkesat e autoriteteve që kryeqyteti të mos ketë ndotje. Blenë autobusë që punojnë me metan, por sot, përveç se këto autobusë po prishen duke qëndruar të parkuar, ata kanë mbetur edhe pa punë.

“Kryetarja e Qytetit nëse do të ketë me ne bashkëpunim por po e potencoj edhe drejtorin, ai nëse është drejtor i vërtetë deri më tani, gjatë mandatit të tij do të bënte radhitje të reja të transportit publik, përmirësime që të ketë më shumë autobusë, që njerëzit ti shfrytëzojnë autobusët dhe ti parkojnë automjetet, mund të gjendeshin disa zgjidhje, kjo është e lehtë, nëse nuk munden ata le të na thirrin neve, ne do japim këshilla, andaj jemi ne partnerë”, tha Jovica Ѕafirovski, Transportues.

Derisa autobusët ekologjik si dhe qindra autobusë tjerë të transportuesve privat janë jashtë qarkullimit, vozitësit thonë se më së shumti pësojnë familjet e tyre por edhe qytetarët.

“Para së gjithash për fëmijët, nxënësit e shkollave të mesme presin nga 30-40 minuta nëpër stacione ndoshta edhe më tepër. Së pari për shkak të tyre duhet të kuptojë të na kthejë të fillojmë me punë dhe më pas do të kërkojmë zgjidhe për gjithçka. Ne jemi partnerë 33 vite me këtë Qytet, babai im është që nga vitit ‘89 me këtë biznes, është autobusi i dhjetë në Qytetin e Shkupit. Nuk mundet tani nëse ka ardhur kryetar i Qytetit për një vit ta ndryshojë këtë. do të thotë edhe ne duhet të pyetemi për diçka”, deklaroi Jovica Ѕafirovski, Transportues.

Ndërsa parku i autobusëve të Ndërmarrjes për Qarkullim Publik në Shkup, për çdo ditë po shndërrohet në varrezë, për shkak të numrit të madh të automjeteve që janë jashtë përdorimit. Kamera e Alsat kapi nga afër një numër të madh të tyre.

Kërkuam qëndrim nga NQP, pse numër kaq i madh i autobusëve janë jashtë funksionit, por drejtori ishte i pakapshëm, ndërsa nga kabineti nuk morëm përgjigje. Vazhdojnë të mbeten të heshtur edhe nga Qyteti i Shkupit. Edhe sot nuk ishin të kapshëm për të treguar se si rrjedh situata me konkurset për transportin publik, e nëse dikush nga transportuesit është paraqitur në ato konkurse./Alsat.mk

.

Të Ngjajshme

Pekini: Vala e koronavirusit po ulet, rreziku i transmetimit është i ulët

Taravari pret në takim Ambasadorin e ri të OSBE-së, Kilian Wahl

admin

Pas kësaj ore bëni mirë të mos pini kafe

Leave a Comment