16.2 C
Skopje
April 3, 2019
Informacione Rajoni dhe Bota

AKP shpalli rezultatet e shitjeve përmes likuidimit nr.45

Për 94 asete sa ishin në shitje konkurruan 148 ofertues, ndërsa vlera e tërësishme e ofertave më të larta ishte 10,567,135 €uro.

Dorëzimi i ofertave nga investitorët, hapja e ofertave dhe publikimi i rezultateve u bënë në mënyrë transparente, para përfaqësuesve të mediave, përfaqësuesve të Odës Ekonomike të Kosovës dhe Odës së Avokatëve të Kosovës si dhe investitorëve të pranishëm, ndërkaq është bërë transmetimi i drejtpërdrejt i ceremonisë përmes faqes zyrtare të internetit të Agjencisë Kosovare të Privatizimit: www.pak-ks.org, duke mundësuar përcjelljen e ceremonisë edhe për të gjithë qytetarët e interesuar që s’kanë qenë të pranishëm në sallë.

Ceremonia e hapjes së ofertave ka filluar në orën 12:30 dhe është mbajtur në “Sallën e konferencave – Hoteli Grand”, në Prishtinë, ku edhe është bërë dorëzimi i ofertave nga ofertuesit nga ora 10:00 deri në ora 12:00.

Agjencia Kosovare e Privatizimit, është organ i pavarur i themeluar nga Kuvendi i Republikës së Kosovës dhe është e shtrirë dhe vepron në të gjithë territorin e vendit. Agjencia ka mandatin dhe autoritetin për shitjen ose bartjen e këtyre ndërmarrjeve dhe/ose aseteve investitorëve private-blerësve, ose likuidimin e tyre, gjithnjë përmes një procesi të hapur, transparent, konkurrues dhe pa vonesa. /Lajmi.net/

Burimi i lajmit

Artikuj të ngajshëm

Turqia i kërkon Maqedonisë të arrestojë strukturat e FETO-s (VIDEO)

shprehja

Ministria e Arsimit njofton se a ka dhënë dorëheqje ministri Ademi?

shprehja

Prurje të reja në Lëvizjen BESA

shprehja