Një person është arrestuar në Deçan, pasi dyshohet për veprën penale “Ndotje, degradim apo shkatërrim i mjedisit”.
Policia njofton se të mërkurën ka siguruar njё informacion se nё fshatin Vranoc i vogёl-Deçan, nga person-a të pandërgjegjshëm është duke u dëmtuar shtrati i lumit ”Lumbardhi i Deçanit”, përmes veprimtarisë ilegale tё nxjerrjes (eksploatimit) tё zhavorrit nga shtrati i lumit dhe brigjet e tij.
“Njësitet relevante tё Stacionit Policor nё Deçan, menjëherë iu kanё përgjigjur rastit, ёshtё bёrё identifikimi dhe arrestimi i personit tё dyshuar, i njëjti ёshtё intervistuar nga hetuesit”, thuhet në komunikatën për media.
Nё koordinim me Prokurorin e Shtetit dhe në bashkëpunim me inspektorët, tё cilët po ashtu kanë dalё nё vendin e ngjarjes, janë ndërmarr veprimet adekuate ligjore duke bёrё sekuestrimin e përkohshëm tё mjeteve të rёnda: tre ekskavatorë dhe dy gurthyes.
“Me urdhër tё Prokurorit tё shtetit i dyshuari ёshtё liruar, ndërsa rasti shkon nё procedurë tё rregullt”, bëhet e ditur tutje në njoftim. /Telegrafi/
.