I mbërritur te Liverpool-i në befasi, në fazat përmbyllëse të merkatos së verës, Arthur nuk debutoi me fanellën e “Reds” në derbin kundër Evertonit, ndeshje në të cilën braziliani e shikonte nga pankina.
Ish-playmaker-i i Barcelonës nuk ishte një nga pesë lojtarët me të cilët Jürgen Klopp u përpoq të zhbllokonte derbin e Merseyside që përfundoi 0-0, i cili pa Salah dhe shokët e tij humbën dy pikë të tjera të çmuara në fillimin e kampionatit.
Momenti i debutimit të brazilianit tashmë mund të ndodhë në Champions League kundër Napolit. Pavarësisht se cilat do të jenë vendimet e Klopp, trajneri gjerman është i bindur në kontributin që Arthur do të mund të japë për kauzën e Liverpool-it, siç dëshmohet nga një sfond mbi formulën e transferimit të brazilianite nga Juventusi.
Të kuqtë në fakt i kanë rrëmbyer Juves një opsion për të blerë kartonin e Arthurit prej 37.5 milionë euro, të cilin klubi anglez do të ketë të drejtë ta paguajë me dy këste.
Një marrëveshje shumë e favorshme për të gjitha palët e përfshira: lojtari, nëse kalimi në “Anfield” dhe Premier League ecën në mënyrën më të mirë, dhe për dy klubet në nivel ekonomik, Liverpool falë pagesës së pakësuar dhe Juventusit që mund të heqë qafe një lojtar që nuk është integruar kurrë realisht në futbollin italian.
.