November 26, 2022
Portali Shprehja

Banksy në Ukrainë, grafite në muret e godinave të shkatërruara nga lufta

Artisti i grafiteve, Banksy ka zbuluar veprën e tij të fundit në një godinë të shkatërruar nga bombardimet në Ukrainë.

Banksy postoi një foto në Instagram të veprës së tij, që është një vajzë gjimnaste që qëndron përmes duarve mbi rrënojat e lokalitetit Borodjanka.

Muralet e përhapura në kryeqytetin e Ukrainës kanë çuar në spekulimin se artisti që ruan anonimatin ka punuar në vendin e gërryer nga lufta.

Një tjetër vepër portretizon një burrë që ngjan me Vladimir Putin, që mposhtet nga një fëmijë në një ndeshje xhudoje.

Borodjanka ishte një nga lokalitetet më të sulmuara nga bombardimet ruse menjëherë pas nisjes së pushtimit më 24 shkurt.

Ushtarët rusë e mbajtën të pushtuar për disa javë qytetin, që ndodhet rreth 48 kilometra në perëndim të Kievit, përpara se ai të çlirohej nga trupat ukrainase në prill.

Vepra e tretë që duket se është pikturuar nga Banksi tregon një tjetër gjimnaste që performon me një shirit të gjatë mbi një zgavër të hapur në një godinë në Irpin.

Ndërsa e katërta, e bërë në Kiev, portretizon dy fëmijë të ulur në një kurth për tanket, të cilin e përdorin për t’u kolovitur.

.

Të Ngjajshme

Rusët bombardojnë qytetin industrial të Ukrainës, të paktën 13 të plagosur, mes tyre një adoleshent

Vitaminat dhe mineralet që janë të domosdoshme për t’u mbrojtur nga sëmundjet gjatë ditëve të ftohta

KATAR/ Shpërthen zjarri pranë stadiumit ku do të luhet Argjentinë-Meksikë

Leave a Comment