October 21, 2021
Portali Shprehja

Banorët e malësisë së Tetovës kanë frikë nga vërshimet

“Edhe përkundër reshjeve të shumta të shiut për disa ditë me radhë, këtu në malësinë e Sharrit, situata me ujërat paraqitet e qetë. Pika më kritike, këtu në fshatin Shipkovicë ishte pikërisht shtrati i këtij lumi, niveli i të cilit është ende i ulët, megjithatë, banorët shprehen të shqetësuar, shkaku se çdo reshje shiu, shkaku i mos zgjidhjes së përhershme të problemit, krijon trauma tek banorët, duke i kthyer në vitin 2015, ku nga vërshimet humbën jetë edhe disa njerëz”.

“Neve na shqetëson shumë shiu, nuk i kanë rregulluar kanalet që është dashur t’i rregullojnë. Nuk kanë punuar aspak. Vetëm që janë pastruar nuk është zgjidhur problemi. Për tu zgjidh problemi duhet të rregullohet shtrati. Duhet të zgjerohet, patjetër duhet të ndërtohet edhe ndonjë digë më lartë fshatit dhe kjo është”.

“Na trishton pak po se di çka të them, punë e Zotit është. Por këta që marrin nisma për ta ndërtuar, një herë gjashtë muaj, një vit pastaj dy vite, s`u bë asgjë, ja sërish është kështu. Hiç aspak nuk është zgjidh problemi”.

Për dallim prej Shipkovicës ku të paktën shtretërit e lumenjve paraqiten të pastër, në Poroj fotografia është ndryshe.

Shtrati i lumit është i mbushur me mbeturina, ndërsa nuk mungojnë as teknikë e bardhë e mobilie. Në pikat më të larta të lumit madje ka edhe thasë me mbeturina të hedhura në pikat kritike ku lumi disa herë ka dalë nga shtrati.

Pas vërshimeve të vitit 2015, pikërisht për shtratin e lumit të fshatit Poroj, nga Qeveria u premtuan shumë gjëra, duke filluar nga ndërtimi i kaskadave, ndërtimi i digave mbrojtëse dhe zgjerimi i shtratit, megjithatë, deri më tani, nuk është bërë asgjë më shumë se pastrimi i pjesshëm i shtratit të lumit./Alsat/

Të Ngjajshme

KSHZ: Paraqitja e të sëmurëve deri më 23 tetor, personat me Covid-19 deri më 25 tetor

admin

Takimi Sela-Mickoski, punohet për shumicë të re parlamentare

admin

Policia me detaje për aksidentin në hyrje të Tetovës, një person ka humbur jetën

admin

Leave a Comment