June 18, 2021
Portali Shprehja

Besimtarët myslimanë festojnë Fitër Bajramin

Në orët e hershme të mëngjesit u hapën të gjitha dyert e xhamive në vend duke pritur besimtarët myslimanë për të falur namazin e Fitër Bajramit. Me të përfunduar ky obligim, besimtarët uruan njëri tjetrin duke shprehur urata nga më të ndryshmet, por që shumë prej tyre kishin të bëjnë me zhdukjen e pandemisë Covid 19. Kreu i BFI-së, Shaqir Fetahu apeloi besimtarët myslimanë që ditët e kësaj feste ti kalojnë në mënyrën më të bukur por me kujdes të veçantë ndaj masave mbrojtëse kundër virusit korona.

 Përsëri të vazhdojnë t’u përmbahen të gjitha masave që janë të parapara në zbehjen dhe evitimin e kësaj sëmundje të rrezikshme. Ne do ti përmbahemi rregullit, respektit ndaj masave deri në momentin kur organet kompetente, edhe botërore, edhe të vendit do të japin qëndrimin e fundit të tyre. Andaj, edhe sot apeloj te të gjithë besimtarët që ta gëzojnë këtë ditë të madhe, të shprehin dashurinë e tyre ndaj familjeve të tyre, ndaj besimtarëve në përgjithësi por me një kujdes të jashtëzakonshëm sepse edhe më tutje duhet të vazhdojmë të japim kontributin tonë”- deklaroi Shaqir Fetahu, kryetar I BFI-së.

Manifestimi qendror i Fitër Bajramit u mbajt në xhaminë Mustafa Pasha, në Shkup. Festa e Fitër Bajramit kremtohet një ditë pas përfundimit të muajit të shenjtë të Ramazanit. Ajo që e karakterizon këtë festë është bamirësia gjatë muajit Ramazan që shprehet në forma të ndryshme. E obliguar për myslimanët është dhënia e Zekatit ose ndryshe e quajtur Lëmoshë pastruese. Çdo mysliman i cili zotëron një nivel të caktuar pasurie në para duhet të ndajë 2.5 përqind të saj të varfërve.

Melihate Rustemi

.

Të Ngjajshme

Reforma zgjedhore, Andonovski: Nuk priten ndryshime thelbësore të Kodit Zgjedhor

admin

Bakiu: Jemi kundër zgjedhjes së kryetarëve të komunave me një raund të vetëm

admin

Shehu: Listat e hapura në këto zgjedhje, do të jenë një lloj testi për zgjedhjet e ardhshme parlamentare

admin

Leave a Comment