July 27, 2021
Portali Shprehja

Besimtarët myslimanë festojnë Kurban Bajramin, Fetahi bën thirrje për bamirësi

Mëngjesi i sotëm mblodhi besimtarët mysliman në të gjitha xhamitë e vendit. Lutjet e mëngjesit shënuan edhe fillimin e kremtes së Kurban Bajramit. Ceremonia kryesore u mbajt në Xhaminë “Mustafa Pasha” në Shkup, ku përveç objektit u mbushën edhe ambientet e jashtme të saj.

Kreu i Bashkësisë Fetare Islame në fjalimin e tij bëri thirrje për bamirësi.

 “Të dashur besimtar vëllezër e motra po përjetojmë festen e madhe të Kurban Bajramit, festë e cila sjell gëzime të mëdha për të gjithë ne, në familjet tona dhe mbarë myslimanët në vend e më gjerë. Kurban Bajrami është festë e madhe me domethënie historike për njerëzimin në përgjithësi dhe për besimtarët në veçanti.”- deklaroi Reis Shaqir Fetahu, Kreu i BFI-së.

 Sipas traditës në pjesën tjetër të ditës pasuan vizitat familjare për të shkëmbyer urimet mes vete. Për dallim nga viti i kaluar kur pandemia e virusit korona ishte në pikun e përhapjes, sivjet autoritetet nuk kanë pasur masa restriktive të hyrje-daljeve nëpër familje apo faljen nëpër xhami.

 “Ta forcojmë paqen në mes nesh dhe në tërë botën ta largojmë të keqën mes njerëzve, të na dhurojë durim në sprovat e kësaj jete. Allahu na bekoftë me të mirat e tij të pakufishme për shumë jetë e gëzofshim Kurban Bajramin.”- pohoi Reis Shaqir Fetahu, Kreu i BFI-së.

 Mesazhe të urimeve kanë dërguar të gjithë krerët e parive politike dhe institucioneve në vend.

Përgatiti: Adnan Qaili

.

Të Ngjajshme

Filipçe: Deri në fund të gushtit do jenë vaksinuar 500 mijë qytetarë me të dyja dozat

admin

Në “Tabanoc”, për hyrje në vend pritet rreth 30 minuta

admin

Shkupjani arrestohet në Strugë, kapet me drogë

admin

Leave a Comment