August 17, 2022
Portali Shprehja

Bordi i LQSHA i hedh poshtë deklaratat nxitëse kundër Albin Kurtit nga Florin Krasniqi

Të dashur miq dhe përkrahës,

Bordi i Lidhjes Qytetare Shqiptaro-Amerikane (LQSHA) nuk pajtohet me deklaratat nxitëse të bëra rishtazi nga Florin Krasniqi në emisionin “Debat me Ermal Pandurin” në RTV Dukagjini.

Lidhja Qytetare i hedh poshtë posaçërisht deklaratat personale të Krasniqit se Kurti është “antiamerikan” dhe se “qeveria amerikane e refuzon atë”.

Kjo kundërshtohet drejtpërdrejt nga udhëtimi i suksesshëm që Kurti e bëri në SHBA në maj, në të cilin u takua me deputetët e Kongresit Amerikan dhe të Departamentit të Shtetit.

Gjithashtu, përshkrimi i Krasniqit se Kurti është “shumë i rrezikshëm” dhe “jo stabil” është krejtësisht i pamerituar dhe i padëshiruar në këto kohë të vështira për Kosovën dhe kombin shqiptar.

Gjithashtu, është vështirë të kuptohet se pse Krasniqi do të shfaqej në një emision të njohur televiziv duke e identifikuar veten si anëtar i Bordit Drejtues të Lidhjes Qytetare Shqiptaro-Amerikane, e pastaj duke e kritikuar Joe DioGuardin, themeluesin e saj të nderuar, si shumë të vjetër, dhe pastaj duke thënë se ne duhet të krijojmë organizata të reja.

Kjo i shtyn shumë njerëz të besojnë se Krasniqi i është bashkuar Bordit të Lidhjes Qytetare më pak se një vit më parë për të avancuar politikisht në Kosovë në kurriz të të tjerëve.

Lidhja Qytetare Shqiptaro-Amerikane në Uashington, DC, ka punuar shumë për më shumë se tridhjetë vjet për të sjellë një zgjidhje të drejtë të konfliktit të vazhdueshëm Serbi-Kosovë dhe për të sjellë njohjen ndërkombëtare të Kosovës si një shtet i pavarur i barabartë me Serbinë në të gjitha aspektet.

Të gjitha të mirat,

Shirley Cloyes DioGuardi Joe DioGuardi
Këshilltare për Cështje të Ballkanit President

Të Ngjajshme

​Begaj: Të bëjmë më të mirën në dobi të kombit tonë

admin

Blinken i dërgon përshëndetje Kurtit

admin

Putin dhe Kim Jong zotohen t’i forcojnë raportet Rusi-Kore e Veriut

admin

Leave a Comment