10.1 C
Skopje
April 5, 2019
Shëndetsi

Ç’duhet të dini për ‘vrasësin e heshtur’: Shenjat që paralajmërojnë kancerin e vezores

Kanceri i vezoreve është një prej sëmundjeve që dëgjojmë të flitet më pak, por është shumë e rëndësishme të dimë çfarë mund ta shkaktojë atë. Dhe sigurisht, si mund të reduktohet rreziku prej tij

Këtë sëmundje, mjekët e quajnë si “vrasësin e heshtur”, pasi zakonisht femrat e kapin shumë vonë, kur sëmundja ka avancuar.

Nëse kanceri i vezoreve do të diagnostikohej që në hapat e parë, shërimi është plotësisht i sigurt.

Cilët janë disa nga faktorët që rrisin shanset për këtë sëmundje?!

1. Gjenetika

Ky është fakti me më shumë rëndësi. Mjekët thonë se gjëja më e mirë që mund të bëni për të kuptuar nëse jeni apo jo të rrezikuar, është të shihni historinë e familjes suaj. Nëse gratë e familjes kanë vuajtur nga një sëmundje e tillë, kjo është një shenjë paralajmëruese. Gjithsesi, nuk ka vend për panik. Mjafton të mos hiqni dorë nga kontrollet rutinë.

2. Shëndeti i tubave fallopianë

Kanceri i vezoreve nuk nis prej tyre, por nga tubat fallopianë. Kur rreziku është i lartë, më e mira që mund të bëhet është heqja e tubave bashkë me vezoret, sigurisht nëse s’ka asnjë alternativë tjetër dhe është vërtetë e nevojshme.

3. Mosha e shtatzënisë së parë

Ato që lindin para të 30-ve kanë më pak shanse të preken nga kanceri i vezores. Mjekët ende nuk e kanë të qartë pse ndodh kjo, por dinë se lidhet me prodhimin hormonal.

4. Dietat

E njëjta dietë që rekomandohet për shëndetin e përgjithshëm, redukton gjithashtu rrezikun ndaj kancerit të vezoreve. Tryeza e pasur me fruta, perime dhe e varfër në mish të kuq do të pakësojë problemet shëndetësore.

5. Ekspozimi ndaj kimikateve

Gjëja më e mirë që mund të bëni është të kaloni kohë në natyrë, larg kimikateve apo rrezeve të dëmshme. Këto të fundit rrisin shanset e kancerit të vezoreve.

.

Burimi i artikullit

Artikuj të ngajshëm

Mposhtni kandidën me dietë!

shprehja

E tmerrshme, si po hamë plastikë çdo ditë me duart tona

shprehja

Thoni lamtumirë dhimbjeve të nervit shiatik me këtë ilaç natyral

shprehja