December 1, 2020
Portali Shprehja

Covid-19, diskutohen kufizime të reja

Komisioni i Sëmundjeve Infektive diskutoi për masa të reja shtrënguese kundër Kovid-19. Është shqyrtuar mundësia e kufizimit të kapaciteteve në transportin publik dhe kufizimi i punës së operatorëve ekonomik. Ministri i Shëndetësisë, Venko Filipçe thotë se gjatë fundjavës do të analizohet pasqyra epidemiologjike në vend dhe në rast se trendi i rritjes së rasteve të reja vazhdon, fuqizimi i masave do të propozohet nga dita e hënë.

Kufizimi i kapaciteteve në transportin publik deri në 50 për qind, ndalesë e përgjithshme e evenimenteve dhe ndalesë punë për operatorët ekonomik pas orës 23. Derisa trendi i infektimeve vazhdon në këtë mënyrë, ky paket i masave bashkë me masat që duhet përfshirë në ligj, do ta amortizojë agresivitetin e infeksionit”-tha Venko Filipçe, Ministër i Shëndetësisë.

Kryetari i Komisionit për Sëmundje Infektive, Zharko Karaxhovski thotë vala e vjeshtës erdhi më herët se ç‘pritej dhe në rast të mos respektimit të masave, mund të priten deri në 1.000 raste të reja në ditë.

 Duket se te në më së shumti nuk respektohen masat. Edhe ju si media por edhe ne si infektolog dhjetëra herë kemi treguar masat bazike që duhet respektuar. Mund të presim vetëm përkeqësim të situatës. Më pyetet për numrat 200 ose 300 unë ju them se me këtë trend, duke mos respektuar masa mund të presim 500-600 madje edhe 1.000 raste në ditë”-pohoi Zharko Karaxhoski, Kryetar i Komisionit për Sëmundje Infektive.

Komisioni mbron idenë për mbartjen e maskave në hapësira të hapura dhe ndalimin e grumbullimeve të më tepër se katër personave, përfshi edhe kufizimin e gostisë. Megjithëse këto masa duhet përfshirë në Ligjin për mbrojtjen e popullsisë nga sëmundjet ngjitëse, Filipçe pret që propozimi të kalojë në Kuvend javën e ardhshme. Masat e propozuara nuk do të jenë në fuqi derisa të miratohen ndryshimet ligjore. Shumica parlamentare dhe opozita nuk kanë gjetur konsensus për ndryshimet ligjore.

Adrian Kerimi

Të Ngjajshme

“Kovid-19, VMRO-DPMNE propozon testim falas për të gjithë qytetarët

admin

Nëntori dyfishoi shifrat e pandemisë

admin

Dështoi Platforma Nacionale për mësim nga distanca, MASH: Të gjithë nxënësit të kyçur ne proces

admin

Leave a Comment