August 17, 2022
Portali Shprehja

Del Piero lartëson Juventusin e ri: Ekip me cilësi të shkëlqyera, kthimi i Chiesa e “blindon”

Juventusi është në turne në SHBA dhe pas partneriteteve e vizitave të ndryshme të ish-lojtarëve, bardhezinjtë kanë marrë komplimentat e ish-kapitenit Alessandro Del Piero. Ish-numri 10 i Juventusit foli më pas për kanalin Twitch të klubit:

“Jam i lumtur që ata erdhën këtu për të marrë pak ajër të pastër, duke pasur parasysh temperaturat në Torino. Jam shumë i lumtur që takova disa miq dhe qëndrova pak me skuadrën në këtë moment të përgatitjeve. Kur kthehesh në ish-ekipin tënd është gjithmonë një moment delikat dhe emocionues, sepse zbulon fytyra të reja. Ne e shijuam stërvitjen dje.

Në këtë ekip ka disa djem me cilësi të jashtëzakonshme. Unë i njoha nga afër, shumë kanë qëndrimin e duhur për të bërë mirë dhe për të kuptuar peshën e kësaj fanelle. Padyshim që më vjen në mendje Chiesa, me një paraqitje të jashtëzakonshme deri kur u dëmtua. Përfitoj nga rasti t’i uroj atij fat për një rikthim të shpejtë. Vlahovic më bëri përshtypje në një mënyrë shumë pozitive”.

Ish-kapiteni i Juventusit nuk humbi rastin të kujtojë Giampiero Bonipertin, me të cilin kishte një marrëdhënie të mrekullueshme: “E kujtoj gjithmonë me shumë dashuri. Kam pasur edhe fatin të takoj një pjesë të familjes së tij, që është e jashtëzakonshme. Herën e parë e takova në moshën 16-vjeçare.

U gjenda bashkë me një personazh si Boniperti, i cili më kishte ftuar në dhomën e tij për të përfunduar marrëveshjen. Asokohe isha fëmijë, për mua ishte e gjitha e re. Per mua ishte një njeri i shenjtë në çdo gjë, por sidomos si ikonë e Juventusit. Ai ua ka transmetuar të gjithëve, përfshirë edhe mua, atë që do të thotë ky ekip. Të gjithë e kujtojnë atë për atë që na mësoi”.

.

Të Ngjajshme

BEFASI NË NEGOCIATA | Nuk ka akord, Juventusit i ngec në derë i superpaguari dhe bllokon merkaton. Motivi

admin

Jorge Mendes vendos rekordin tjetër! Çon te ekipi “i tij” talentin e madh portugez për gati 50 mln euro

admin

Akuzat për përdhunim ndaj Mendy: “Mos lëviz, mos lëviz” ndërsa i mban krahët pas shpine!

admin

Leave a Comment