December 5, 2020
Portali Shprehja

Diktatori Lukashenko lejon policinë të përdorë armë luftarake mbi protestuesit

“Policia e Bjelloruse do të lejohet të përdorë armë luftarake ndaj protestuesve në rrugë nëse është e nevojshme”, ka deklaruar ditën e sotme Ministria e Brendshme e vendit, ndërsa forcat e sigurisë u përplasën përsëri me protestuesit të cilët duan që Presidenti Alexander Lukashenko të heqë dorë pas zgjedhjeve të diskutueshme të 9 gushtit.

Gjatë ditës së protestës së fundit demonstruesit brohorisnin “Fashistë”, teksa u përplasën fizikisht me personelin e forcave të sigurisë të cilët u përgjigjën me armë zjarri, sipas disa të dhënave dhe videove që qarkullojnë në mediat sociale.

Ministria e Brendshme bjelloruse më vonë konfirmoi se policia kishte përdorur armë zjarri dhe gaz lotsjellës për të shpërndarë një tubim të paautorizuar.

“Protestat, të cilat janë zhvendosur kryesisht në Minsk, janë bërë të organizuara dhe jashtëzakonisht radikale,” deklaroi Ministria e Brendshme.

“Në këtë drejtim, punonjësit e Ministrisë së Brendshme dhe trupat e brendshme nuk do të largohen nga rrugët dhe, nëse është e nevojshme, do të përdorin pajisje speciale dhe armë ushtarake”, njoftoi më tej ajo.

Dhjetëra mijëra bjellorusë kanë demonstruar çdo fundjavë që prej zgjedhjeve të 9 gushtit, në të cilat u shpall fitues Lukashenko.

Kundërshtarët e tij thonë se votimi ishte i manipuluar, një akuzë e mohuar nga Lukashenko, i cili ka qenë në pushtet për 26 vjet dhe tani i është drejtuar Rusisë për mbështetje financiare dhe të tjera për të mbajtur pushtetin.

Përleshjet e së hënës ndodhën pasi mijëra njerëz morën pjesë në një “marshim të pensionistëve” në kryeqytetin Minsk.

Protestuesit brohorisnin ” Lukashenko Ik” dhe tundnin flamuj të bardhë me një shirit të kuq, një simbol i opozitës Bjelloruse.

Të dielën, kur 713 njerëz u arrestuan për pjesëmarrje në protestat masive, forcat e sigurisë përdorën ujin dhe shkopinj gome për të shpërndarë turmat që kërkonin zgjedhje të reja presidenciale.

Ministrat e jashtëm të Bashkimit Evropian ranë dakord të hënën për të sanksionuar Lukashenkon dhe zyrtarë të tjerë të lartë, pas zgjedhjeve të manipuluara dhe përkeqësimit të dhunës policore kundër protestuesve.

Lukashenko nuk ishte në listën e mëparshme të sanksioneve të BE-së, rënë dakord më 2 tetor që synonte 40 emra.

Të Ngjajshme

Kosovë/11 pacientë ndërruan jetë, 478 raste të reja me Kovid-19

admin

Pacolli: 33milion euro i kam dhënë për bamirësi

admin

Dialogu Kosovë-Serbi pritet që të vazhdojë javën e ardhshme në Bruksel

admin

Leave a Comment