January 27, 2021
Portali Shprehja

Dita e Pavarësisë, Pompeo uron shqiptarët “në emër të qeverisë së SHBA-ve dhe popullit amerikan”

Dita e Pavarësisë, Pompeo uron shqiptarët: Shqipëria ka bërë reformat e nevojshme për anëtarësimin në BE

Në ditën e Pavarësisë së Shqipërisë, ka ardhur edhe një mesazh urimi nga Sekretari Amerikan i Shtetit, Mike Pompeo.

Në emër të qeverisë dhe popullit amerikan, Pompeo ndër të tjera thotë se ShBA mbështet Shqipërinë si një aleate e palëkundur, në reformat për t’u anëtarësuar në BE.

Mesazhi i urimit nga Mike Pompeo:

Ndërsa Shqipëria feston Ditën e saj të Pavarësisë, unë ju dërgoj urimet në emër të qeverisë së Shteteve të Bashkuara dhe popullit amerikan.

Këtë vit, ne festojmë edhe vendimin e Bashkimit Evropian për të hapur negociatat e anëtarësimit për Shqipërinë, një shenjë e përparimit të rëndësishëm që Shqipëria ka bërë në zbatimin e reformave të nevojshme për anëtarësimin në BE. Ne e përgëzojmë Shqipërinë për udhëheqjen e saj si kryesuese e OSBE-së për 2020-ën dhe vlerësojmë gjithçka që ajo ka bërë për të shfaqur përkushtimin e saj ndaj komunitetit Transatlantik. Shqipëria luan një rol qendror në ndihmesën për sigurimin e paqes dhe stabilitetit si pjesë e Aleancës së NATO-s, dhe Shtetet e Bashkuara qëndrojnë pranë Shqipërisë si një aleate e palëkundur.

Uroj mirëqënie dhe shëndet për popullin shqiptar, ndërsa punojmë së bashku për të kapërcyer sfidat me të cilat na përballi pandemia COVID-19.

Të Ngjajshme

Shkon mbi 100 milionë numri i të infektuarve me koronavirus

admin

Jo vetëm Donald Trump, Twitter i bllokon llogarinë politikanit shqiptar (FOTO LAJM)

admin

Limaj: Ja kush nga PDK pengoi koalicionimin parazgjedhor

admin

Leave a Comment