April 13, 2021
Portali Shprehja

Dorëzohet në polici i dyshuari për vrasjen e mbrëmshme në Gradicë të Drenasit

Policia e Kosovës ka njoftuar se është dorëzuar sot i dyshuari për vrasjen që ndodhi mbrëmë në fshatin Gradicë të Drenasit.

Lajmin për Telegrafin e ka konfirmuar zëdhënësja e policisë, Flora Ahmeti.

Ahmeti ka thënë se 54-vjeçarit i është sekuestruar një armë zjarri që dyshohet të jetë përdorur në rast.


Një i vrarë dhe një i plagosur në Gradicë të Drenasit
Një i vrarë dhe një i plagosur në Gradicë të Drenasit

“Sot rreth orës 08:30, është dorëzuar në polici i dyshuari për vrasjen që ndodhi mbrëmë në fshatin Gradicë. Xh. B. (mashkull) 54 vjeç, shtetas i Republikës së Kosovës, të cilit poashtu i është sekuestruar një armë zjarri që dyshohet të jetë përdorur në rastin. Ndaj tij kanë filluar procedurat e nevojshme policore”, ka thënë Ahmeti.

Ngjarja ka ndodhur mbrëmë rreth orës 20:30 dhe bëhet fjalë për vrasje dhe plagosje me armë zjarri.

“Rreth orës 20:30 policia ka pranuar informatën për një vrasje në fshatin Gradicë të Drenasit. Bazuar në të dhënat e deritanishme si dhe veprimeve të para hetimore policia ka ngritur versionin e hetimit se kemi të bëjmë me rast të vrasjes dhe plagosjes me armë zjarri, të ndodhur në një pyll në fshatin e sipërshënuar. Në këtë rast plagë nga arma e zjarrit kanë marrë dy persona (meshkuj)”, kanë njoftuar mbrëmë nga policia. /Telegrafi/

.

Të Ngjajshme

Rrihen dy vëllezër për pronë në Mitrovicë

admin

Disa persona hyjnë me forcë dhe thyejnë gjësende në Muzeun e Muzikës në Gjakovë

admin

Një punëtor bie nga shkallët e një shtëpie në Suharekë

admin

Leave a Comment