Skuadra e Newcastle, pasi siguroi kualifikimin në Champions League sezonin e ardhshëm, synon të ndërtojë një ekip të madh, në mënyrë që të jetë kompetitiv si në Europë ashtu dhe në Premier League. Për këtë arsye, objektivat në merkaton e verës për “magpies” janë të mëdha.
Sipas të përditshmes britanike “Daily Star”, skuadra bardhezi është gati të bëjë çmenduri në merkato, duke afruar disa nga yjet e futbollit botëror. Duke nisur nga Harry Kane, sulmuesi i Tottenham, që pritet të lërë Spurs në fund të këtij sezoni.
Një tjetër sulmues që ka hyrë në radarin e Newcastle është braziliani Neymar, që luan me PSG. Edhe ai pritet të lërë skuadrën pariziene, ndaj britanikët janë hedhur në sulm për ta sjellë në Premier, pasi janë klubet e vetme që mund ta përballojnë blerjen e tij.
Sipas mediave, skuadra e Newcastle po frymëzohet nga Real Madrid, ndaj ëndërron të ndërtojë një ekip “galaktikësh”, për të qenë sa më kompetitive. Harry Kane e Neymar nuk janë objektivat e vetëm të Newcastle, që synon të shpenzojë mbi 200 milionë euro në merkaton e verës.
.