Bayern Munich është i vendosur të nënshkruajë me mbrojtësin e Manchester City, João Cancelo, në formë huazimi, me opsionin e blerjes përfundimtare që ka të ngjarë të përfshihet në marrëveshje.
Ky raport vjen nga eksperti shumë i besueshëm i transferimeve të “The Athletic”, David Ornstein, i cili shton se portugezi është i pakënaqur me minutat e tij në fushë për “qytetarët” që kur futbolli i klubeve rifilloi pas Kupës së Botës së Katarit. Ndërkohë, bavarezët janë “adhurues afatgjatë” të 28-vjeçarit.
EXCLUSIVE: Bayern Munich set to sign full-back Joao Cancelo on loan from Manchester City. Likely to include buy option. 28yo Portugal international has seen #MCFC minutes limited recently + #FCBayern long-term admirers. W/ @polballus for@TheAthleticFC https://t.co/JyM32rNz5d
— David Ornstein (@David_Ornstein) January 30, 2023
Bayern duket se do t’i zgjidhë problemet e krahut të djathtë të prapavijës me luzitanin, duke qenë se e ardhmja e Benjamin Pavard mbetet e pasigurt.
Nga ana tjetër, sipas “Gazzetta dello Sport”, bavarezët janë shumë pranë kompletimit të nënshkrimit të sulmuesit të Borussia Mönchengladbach, Marcus Thuram.
Kontrata e francezit skadon në fund të sezonit dhe shumë klube janë përpjekur të nënshkruajnë me të këtë dimër. Megjithatë, sipas raporteve, Bayern Munich e ka fituar këtë “ankand”.
.