August 17, 2022
Portali Shprehja

Edhe një tjetër person vdes nga lija e majmunit në Evropë

Spanja raportoi viktimën e dytë të lidhur me linë e majmunit të shtunën, në atë që mendohet viktima e dytë në Evropë nga sëmundja dhe vetëm e treta jashtë Afrikës në shpërthimin aktual.

Spanja raportoi vdekjen e saj të parë të premten, pak pasi Brazili raportoi viktimën e parë të lidhur me linë e majmunit jashtë kontinentit afrikan në valën aktuale të sëmundjes.

Sipas një raporti të Organizatës Botërore të Shëndetësisë nga 22 korriku, vetëm pesë viktima ishin raportuar, të gjitha në rajonin afrikan. OBSH të shtunën e kaluar e shpalli shpërthimin e përhapur me shpejtësi një emergjencë globale shëndetësore, nivelin më të lartë të alarmit.

Në raportin e saj të fundit të shtunën, ministria spanjolle e Shëndetësisë tha se 4,298 raste ishin konfirmuar në vend. Nga 3,750 pacientë për të cilët kishte informacion, 120 ose 3.2 për qind ishin shtruar në spital dhe dy kishin vdekur, thuhej në raport pa dhënë detaje të mëtejshme.

Vdekja e parë ndodhi në rajonin verilindor të Valencias dhe shkaku ishte encefaliti, një inflamacion i trurit i lidhur me infeksionin, raportuan mediat lokale.

.

Të Ngjajshme

Anderson merr 300 mesazhe kërcënuese

FIFA pezullon Indinë nga garat e futbollit

Kasami: BDI për 20 vite nëpërkëmbi veteranët e UÇK-së, shkeli mbi dinjitetin e tyre

admin

Leave a Comment