September 29, 2020
Portali Shprehja

Edhe sivjet s’do të ketë analiza për ndotjen

As këtë vit nuk do të detektohen ndotësit e ajrit. Para fillimit të sezonit të ngrohjes, kur niveli i ndotjes së ajrit në vend fillon të rritet, Laboratori Qendror i Ministrisë së Mjedisit nuk do të ketë analiza zyrtare sepse nuk kanë pajisje, ndërsa janë vonë edhe me akreditimet. Udhëheqësi i laboratorit, Afrim Latifi, për Alsat thekson se institucioni dhe të punësuarit duhej të merrnin akreditime në qershor, por për shkak të koronavirusit, disa punonjës përdorin masat për mungesë në punë, kështu që nuk mund të kalojnë trajnimin.

Megjithatë, edhe nëse ky laborator merr akreditim, nuk do të jetë në gjendje ta zbulojë arsyen e shkaktarit të nivelit të lartë të grimcave PM10. Gjegjësisht, në këtë institucion nuk ka asnjë aparat të përshtatshëm që do ta përcaktojë atë. Megjithatë, nuk do të porositet, por do të pritet që dikush ta dhurojë. Në këtë laborator, bëhen analiza për ujin, tokën dhe ajrin, të cilat më pas përdoren nga Inspektorati Shtetëror i Mjedisit.

“Është e nevojshme të bëhet Program Vjetor për matjet e detyrueshme për ajrin, ujin, zhurmën industriale me një buxhet vjetor të siguruar dhe gjithashtu të ketë përbërës komercial.”

 Por, ka një problem tjetër me punën e Laboratorit Qendror, i cili ekziston për 40 vjet. Gjegjësisht, edhe sot nuk ka akreditim për analizat që bën, kështu që në rast se shteti ndjek penalisht dikë për ndotje të mjedisit, ato analiza mund të kontestohen ligjërisht.

Igor Stefanovski

Të Ngjajshme

Qeveria nuk diskutoi heqjen e testit PCR si kusht për kalimin e kufijve

admin

Mësimi online “zhduku” kompjuterët e lirë

admin

Burg për Gruevskin e arratisur, Janakieski mori dënim me kusht

admin

Leave a Comment