December 1, 2020
Portali Shprehja

Erdogan e vendosur: Do t’i tregojmë vendin Greqisë

Presidenti turk, Recep Tayip Erdogan premtoi të mërkurën se do t’i jepte Greqisë fqinje, vend aleat i NATO-s, përgjigjen që meriton ndërsa iu kthye temës së mosmarrëveshjeve mbi kërkimet për naftë e gaz në ujërat e kontestuara në mesdheun lindor.

“Ne do të vazhdojmë t’i japim Greqisë dhe administratës greko-qipriote, që dështojnë të mbajnë premtimet që vetë ata i kanë dhënë BE dhe NATO-s, përgjigjen që meritojnë”- tha Erdogan.

Erdogan i bëri komentet në një fjalim në parlament. SHBA dhe Gjermania, vende aleate të Turqisë, e kanë cilësuar eksplorimin për gaz në mesdhe një provokim dhe i kanë kërkuar Ankarasë të kthejë mbrapsht anijet.

Por Turqia, ka sfiduar apelet ndërkombëtare dhe ka kthyer anijen e saj kërkimore Oruc Reis në rajon. Erdogan tha se anija tjetër kërkimore, Yavuz, do të kthehej po ashtu në mesdheun lindor pas shërbimeve të mirëmbajtjes në port. Ai paralajmëroi se planet që nuk marrin parasysh interesat e Turqisë dhe të Qipros veriore, nuk do të mund të arrijnë sukses.

Të Ngjajshme

Pas kritikave të shumta, Prizreni vendos që ta largojë shtatoren e Adem Jasharit

admin

Merkel: Nuk mund ta premtoj çeljen e negociatave me Shqipërinë

admin

Von Cramon: Nuk mjafton të bisedohet, duhet datë për vizat e kosovarëve

admin

Leave a Comment