November 28, 2020
Portali Shprehja

Fajon: BE nuk mund ta tradhtojë përsëri Maqedoninë e Veriut

Bashkimi Evropian nuk mund ta tradhtojë përsëri Maqedoninë e Veriut, e cila ka konfirmuar vazhdimisht se nuk ka alternativë tjetër pos BE-së dhe fqinjësisë së mirë me Bullgarinë, tha deputetja sllovene Tanja Fajon për të përditshmen “Danas” në Beograd.

“Ne nuk mund t’i tradhtojmë sërish. Duhet të gjejmë zgjidhje me Bullgarinë në frymën e dialogut dhe të kthejmë besimin në këtë proces. Shtetet anëtare kanë edhe një mundësi deri në fund të vitit për të vendosur që BE të hap derën për miqtë tanë nga Maqedonia e Veriut, sepse e meritojnë”, deklaroi Fajon, e cila kryeson me Komisionin e Stabilizim Asociimit në Parlamentit Evropian.

Sipas saj, vetoja bullgare për kornizën negociuese me vendin ka shkaktuar zhgënjim jo vetëm tek “populli në Maqedoninë e Veriut, e ardhmja e të cilëve është qartë se është Bashkimi Evropian, por edhe në Parlamentin Evropian”, që sipas Fajon mbetet një mbështetës i fortë dhe aleat i Maqedonisë së Veriut.

The post Fajon: BE nuk mund ta tradhtojë përsëri Maqedoninë e Veriut appeared first on Alsat.

Të Ngjajshme

Mbillen 15 mijë drunj në sezonin e vjeshtës

admin

Ohër, trofta e vogël shitet në tregun e zi

admin

Tetovë, shumë mjekë presin radhë për punësim

admin

Leave a Comment