May 26, 2022
Portali Shprehja

Familja shqiptare mashtron çitin grek: ‘Ju kanë bërë magji të zezë, nuk bëni dot fëmijë’. Si i zhvatën 50 mijë euro

Një histori të pabesueshme deri në makth ka përjetuar një familje greke.

Tact Watches

Një familje shqiptare i ka punuar atyre një rreng për ‘magji të zezë’ duke u zhvatur 50 mijë euro.

Athanasios P. ka folur për gazetën “Peloponnisos” për ngjarjen e tij të pabesueshme që ai dhe gruaja e tij po jetojnë prej 4 vitesh: “Familjen H. (përmend mbiemrin e plotë) e kam takuar 4 vite më parë. Në vitin 2018 kam qenë në gjendje të mirë financiare. Jam afruar më këtë familje ku kam punësuar edhe babain e tyre. Por ai ishte dinak, së bashku me gruan dhe vendosën të përfitonin nga fakti që unë dhe gruaja ime nuk kishim pasur fëmijë. Arritën të më mashtronin në mënyra të tmerrshme duke keqpërdorur ndjeshmërinë time dhe veçanërisht mbi “dhimbjen” që ndjente gruaja ime, e cila nuk mund të bëhej nënë. Isha i bindur që dikush kishte xhelozi ndaj nesh sepse puna më shkonte mirë dhe ata më thanë se na kishin bërë magji. Konkretisht, ai më fliste për magjinë e zezë.

Në gusht të vitit 2019, me pëlqimin tim, shkuam në Shqipëri. U njoha me një zotëri të quajtur Sokrat Sp. i cili më mori 5000 euro për të më zgjidhur magjitë. Natyrisht, familja shqiptare nuk u ndal me kaq. Gruaja dhe vajza e tij Ana arritën të më bindin në mënyra të ndryshme me truke të ndryshme, gjithmonë në drejtim të magjisë së zezë. Bëra gabim të madh që dhashë një pjesë të mirë të pasurisë së tyre. I kam të gjitha bisedat dhe mesazhet në celular ku më kërkojnë 25 mijë euro për të zgjidhur magjitë dhe 20 mijë euro të tjera për të më lënë të qetë dhe për të mos më mërzitur më. Gruaja dhe vajza na telefononin më shumë se 20 herë në ditë, madje edhe në fshehtësi. “Gruaja ime është në prag të vetëvrasjes”, shprehet greku i cili ka rënë pre e mashtrimeve.

Sipas Athanasios P., kjo familje është e përfshirë në raste të tjera që tashmë janë bërë të njohura në zonën e Akaisë Perëndimore, shkruan Protothema.

Athanasios P. ka bërë padi ndaj familjes shqiptare ndërsa procedimi penal ndaj tyre është në pritje.

Të Ngjajshme

Rusia nuk ka të ndalur, kërcënon edhe këtë shtet të Ballkanit

admin

Gjen. Begaj: SHBA i jep Shqipërisë 17 milionë dollarë për ushtrinë

admin

Flamuri në gjysmështizë në Ambasadën amerikane në Prishtinë, në nderim të viktimave në Teksas

admin

Leave a Comment