February 28, 2021
Portali Shprehja

Fifi i kthehet ndjekësve: Mos më prekni, kam 11 muaj pa punë

Këngëtarja e njohur Fifi është kritikuar për koncertin e mbajtur në Kosovë për Ditën e Pavarësisë.

Një video e saj në festën e Pavarësisë së Kosovës, ku shihet duke kënduar dhe duke mbajtur koncert ka ngacmuar të gjithë ndjekësit e saj në ‘Instagram’, duke iu drejtuar për t’i thënë se ky ka qenë një veprim i papërgjegjshëm në këtë periudhë pandemie.

Pas komenteve të shumta, Fifi ka zgjedhur që paraditen e sotme t’i kthejë përgjigje të gjithëve, duke kërkuar që askush mos ta prekë.

“Positive vibes njerëz, çfarë po ndodh? Unë e di që ka ndikuar shumë keq virusi në trurin tonë, ama qetësohuni. Nisni të merreni me ndonjë gjë dhe lëshoni energji pozitive. Paskam marrë lekë unë në 17 dhe qënka bërë nami, jemi ngopur në lekë. Hello, që 11 muaj jam pa punë. As shteti, as ju, as kurkush nuk i ka interesuar çfarë po bëjnë artistat. A u interesua ndokush për gjendjen financiare të artistave? A i ka ndihmuar ndokush artistat të bëjnë art? Jo, jo. Kështuqë zonja dhe zotërinj mos më prekni ku s’duhet. Punoni ju për vete, ishallah zoti jua jep krejt dhe e shijoni, por mos më prekni sepse jam që 11 muaj pa punë”, ka thënë Fifi në një pjesë së videos së saj.


Të Ngjajshme

Rudina Magjistari publikon pamjen e saj nga fëmijëria

admin

A mund ta besoni se kjo është Genta

admin

Ermal Fejzullahu e uron djalin me këto fjalë

admin

Leave a Comment