November 29, 2021
Portali Shprehja

Fryrja e stomakut/ Si të përdorni kurat me nenexhik dhe xhenxhefil

Fryrja e stomakut është irrituese dhe e bezdisshme, veçanërisht nëse ju ndodh shpesh pas ngrënies. Zakonisht këto probleme janë të padëmshme, por në disa raste mund të jenë simptomë e ndonjë sëmundjeje të fshehur.

Në kuzhinën tuaj mund të gjeni shumë kura natyrale për këto probleme dhe zgjidhje të menjëhershme, sipas sugjerimeve të mëposhtme.

Tact Watches

Çaji I Nenexhikut
Çaji i nenexhikut e qetëson stomakun dhe largon fryrjet. Atë duhet ta pini në darkë për të ngadalësuar trazirat në stomak. Për një filxhan me çaj ju nevojiten 7-10 gjethe nenexhiku dhe 250 ml ujë. Nëse dëshironi mund të shtoni mjaltë ose limon. Në disa raste të tjera mund të shtoni edhe akull.

Xhenxhefili
Çaji me xhenxhefil, mjaltë dhe limon është shumë i mirë kundër gazrave dhe fryrjes në stomak. Përbërësit e xhenxhefilit kanë aftësinë të qetësojnë zorrët dhe largojnë çdo inflamacion të mundshëm. Mjafton të zieni 1-2 cm xhenxhefil të grirë hollë në ujë, e më pas të shtoni mjaltë dhe limon dhe ta pini para ose pas vakteve.

Çaji I Kamomilit
Çaji i kamomilit është shumë i dobishëm kundër fryrjeve dhe problemeve me tretjen e urthin. Çajin mund ta shoqëroni edhe me mjaltë ose lëng limoni. Këshillojet të mos përdorni qumësht sepse ai shkakton fryrje të tepërt. Për një filxhan me çaj ju nevojitet një lugë çaji kamomil i thatë dhe 250 ml ujë.

Kungulli
Shpesh fryrjet shkaktohen nga fibra e tepërt në stomak dhe zorrë. Kungulli i verdhë është shumë i mirë kundër këtij problemi sepse eliminon fryrjet. Hani një filxhan me kungull të zier ose të pjekur gjatë një vakti për të mos pasur fryrje.

Ujë Me Limon
Uji me limon është shumë i mirë për shpërbërjen e duhur të ushqimit. Sipas informacioneve, uji pastron sistemin ndërsa limoni përmirëson tretjen. Ujin me limon mund ta pini sapo të zgjoheni për një fillim të mbarë të ditës./AgroWeb


Top Channel

Të Ngjajshme

Qiqrat e Shqipërisë/ Bishtajoret me vlera unike për shëndetin

admin

Kura sherebelë me mjaltë, për ftohjet e papritura

admin

Shenjat që tregojnë se jeni mbipeshë dhe kujdesi që duhet të tregoni

admin

Leave a Comment