January 30, 2023
Portali Shprehja

Gana “blindon” suksesin që në pjesën e parë, koreano-jugorët “nuk ndezin”

Gana e ka fituar bindshëm pjesën e parë të ndeshjes ndaj Koresë së Jugut. Dy gola që kanë justifikuar epërsinë në lojë dhe thuajse çdo dejtim tjetër të kombëtares afrikane. Rezultati i bardhë është zhbllokuar në minutën e 24-t nga M.Salisu.

Kur pritej reagimi koreano-jugor, kjo nuk ka ndodhur. Gana ka ruajtur ritmin dhe ia ka dalë të shënojë golin e dytë në minutën e 34-t, me autor M.Kudus, duke shkuar në dhomat e zhveshjes me një epërsi komode, por jo për të “fjetur mbi dafina”, po të kemi parasysh edhe atë që ndodhi në sfidën pararendëse të kësaj dite të Botërorit, Kamerun-Serbi.

Diçka shumë e veçantë: Mohammed Salisu është bërë mbrojtësi i parë që shënon për Ganën në historinë e Kupës së Botës.

KLIKO – Koreja e Jugut-Ghana 0-1, Mohammed Salisu zhbllokon rezultatin në 25′

KLIKO – Koreja e Jugut-Gana 0-2, Mohammed Kudus dyfishon shifrat në 34′

Kuriozitete mbi ndeshjet Gana-Koreja e Jugut

Ky është takimi i parë midis Koresë së Jugut dhe Ganës që nga miqësorja e qershorit 2014, kur Jordan Ayew shënoi një “hat-trick” në fitoren 4-0 të vendit të tij.

Koreja e Jugut ka shënuar saktësisht dy gola në secilën prej tri takimeve të Kupës së Botës kundër kombeve afrikane, duke mposhtur Togon 2-1 më 2006, barazuar 2-2 me Nigerinë më 2010 dhe humbur 4-2 ndaj Algjerisë më 2014.

Pas një fitoreje 2-0 kundër Gjermanisë më 2018 dhe një barazimi 0-0 kundër Uruguajit në raundin e parë të Botërorit të këtij viti, Koreja e Jugut e mbajti dy herë radhazi të pastër portën, për herë të parë në Kupën e Botës. Dy ndeshjet e tyre të mëparshme pa pësuar gol ishin luajtur në një periudhë midis 2002 dhe 2018.

Gana nuk kishte fituar në pesë ndeshje të Kupës së Botës (2 barazime, 3 barazime). Humbja në ndeshjen e sotme do ta bënte atë të eliminohej në fazën e grupeve në dy pjesëmarrje radhazi (përfshirë vitin 2014).

Koreja e Jugut nuk kishte arritur të shënonte në tri nga pesë ndeshjet e fundit të Kupës së Botës. Ajo gjithashtu nuk kishte regjistruar gjuajtje në portë në dy nga katër sfidat e fundit (përfshirë barazimin 0-0 me Uruguajin).

Gana kishte shënuar në secilën nga gjashtë ndeshjet e fundit të Kupës së Botës. Vetëm Nigeria (8 midis 1994 dhe 1998) e ka gjetur rrjetën në ndeshjet e njëpasnjëshme midis kombeve afrikane në këtë kompeticion. Gana ishte gjithashtu skuadra e vetme afrikane që shënoi në raundin e parë të këtij sezoni.

Koreja e Jugut nuk e kishte fituar kurrë ndeshjen e dytë të fazës së grupeve në 10 pjesëmarrjet e mëparshme në Kupën e Botës, duke humbur tri të fundit radhazi (1-4 kundër Argjentinës më 2010, 2-4 kundër Algjerisë më 2014, 1-2 kundër Meksikës më 2018).

Son Heung-min, sulmuesi kryesor i Koresë së Jugut në Kupën e Botës (3) shënoi dy gola në Kupën e Botës 2018 dhe një më 2014. Ai mund të bëhet lojtari i dytë koreano-jugor që shënon në tri edicione të ndryshme për ekipin e tij kombëtar, pas Park Ji-Sung, i cili realizoi më 2002, 2006 dhe 2010.

.

Të Ngjajshme

E papritura e madhe e merkatos! “Teprica” e Guardiolës te Bayern Munich, gati firma edhe me sulmuesin e njohur

admin

CR7 i ndodh ajo që s’e kishte menduar kurrë në Arabi, tifozët sauditë i përdhosin emrin dhe numrin (pamjet)

admin

Xavi i “tregon targën” Real Madridit, tashmë synon rekordin e Vilanovës dhe Mourinhos në La Liga

admin

Leave a Comment