March 1, 2021
Portali Shprehja

Gjukanoviç zbulon planin sekret të Vuçiqit për Kosovën – Iliria News Agency

Presidenti i Malit të Zi deklaroi se Beogradi zyrtar rezultatet e zgjedhjeve në Mal të Zi po i interpreton me logjikën e pushtuesit. Gjukanoviç shtoi se partitë e qeverisë në pushtet shpejt do të heqin qafe ‘shqiptarin e ndershëm’ për ta shndërruar Malin e Zi në një shtet serb

Gjukanoviç thumboi presidentin serb Vucic kur tha se “me përvetësimin e historisë malazeze” dëshiron të lidhë pjesën e munguar të historisë së Serbisë në intervistën për gazetën e Pobjeda të Podgoricës e përshkroi humbjen e partisë së tij në zgjedhjet e gushtit që tani po e “shfrytëzon si derë të hapur për vazhdimin e misionit të tij të serbizimit të Malit të Zi dhe ndryshimin e karakterit të shtetit qytetar”.

“Duke e parë që synimet e nacionalizmit serbomadh në Mal të Zi end nuk janë realizuar, mund të thuhet se zemërimi në qendrën e Frontit Demokratik – kreu i Serbisë – po shtohet. Edhe për atë se as qeveria e re e Malit të Zi nuk po luan sipas taktit të tyre” tha Gjukanoviç.

Ai shtoi se Beogradi dëshironte një model më të pastër, që me trupat e tyre të drejtonte Malin e Zi.

Tani lider i opozitës Djukanovic, megjithëse ende president i shtetit që disa herë e kërcënuan me shkarkim – Dritan Abazovic ishte mjaft i hapur disa herë në publik me kërcënimet e tij ndaj Gjukanoviçit – tha se Beogradi është i frustruar se partia e tij që mbetet e vetmja pengesë politike e pushtimit të Malit të Zi, nuk po humb mbështetjen e publikut siç kishin pritur.

“Për atë në Nikshiq ata po përgatiten për ‘Betejën e Kosovës’: për atë edhe regjistrimi i popullatës, sipas zyrtarëve beogradas, në Mal të Zi është çështje e interesit më të madh kombëtar të Serbisë: që përmes inxhinierisë të identitetit ta paraqesin si shtet serb Malin e Zi. Pas kësaj Fronti Demokratik do të mund të rrëzonte këtë qeveri, ta çlironte nga varësia e ‘shqiptarit të ndershëm’ dh të formoj qeverinë e vërtetë serbe në krye me parinë e Frontit në të” tha Gjukanoviç.

Ai foli edhe për synimin e dhe resurset e Vucic për ta hequr nga pushteti, duke vlerësuar se po “mbivlerësohen kapacitetet e presidentit të Serbisë”, që po i “shkon për shtat iluzionit të tij se është afër të arrij qëllimit të pushtoj Malin e Zi”.

“Që nuk është! Në zgjedhje për president mora 54 për qind të votave; jam në krye të partisë që ka tridhjetë mandate dhe që ka pushtetin në shumicën e komunave të Malit të Zi. Pra: Mos u ngutni!” porositi Presidenti malazez.

Ai theksoi se Serbia pas të nëntëdhjetave kur “doli nga shishja fantazma ndaj kroatëve, boshnjakëve dhe pastaj edhe shqiptarëve ju erdhi rendi edhe malazezëve”. Ai akuzon Serbinë se “në vazhdimësi shkakton marrëdhënie jo shëndosha me fqinjë” duke e vlerësuar “se kjo është lojë e rrezikshme” që në të nëntëdhjetat “nuk arritën ta kontrollonin as lojtarë më të mëdhenj politik se këta të sotmit”.

“E dimë si përfundoi kjo: me gjenocid dhe në Hagë” tha Gjukanoviç.

Ai shtoi se Serbia po tenton të jetësoj “idenë e Serbisë së Madhe, tani të quajtur “bota serbe”, po duan të ndryshojnë karakterin e Malit të Zi, që në vend të shtetit sekular, multietnik e pro europian të deritanishëm, shtet anëtar i NATO, të shndërrohet në “pjesë të nevojshme të trekëndëshit serbomadh Beograd-Banjalluka-Podgorica”.

Të Ngjajshme

Vetëvendosje e gatshme ta formojë Qeverinë menjëherë pas certifikimit të zgjedhjeve – Iliria News Agency

admin

Serbia po i arreston banorët e Bujanocit dhe po ua konfiskon dokumentet – Iliria News Agency

admin

Rama më mirë ndihet kur e takon Vuçiqin se sa kryeministrin e Kosovës – Iliria News Agency

admin

Leave a Comment