Rrjeti i transportit publik i Gjermanisë do të jetë pothuajse tërësisht i bllokuar të hënën, pasi dy nga sindikatat më të mëdha të vendit do të jenë në grevë.
Stafi në aeroporte, porte, hekurudha, autobusë dhe metro u largua pak pas mesnate për një ndalesë 24-orëshe, raporton BBC, transmeton Klankosova.tv.
Sindikatat po kërkojnë paga më të larta për të mbijetuar nga kostoja në rritje e jetesës në të gjithë vendin.
Tutje thuhet se ka pasë disa greva të vogla nga sektorë të tjerë të shërbimeve publike, por e hëna do të jetë më e madhja në vend prej dekadash.
Verdi përfaqëson rreth 2.5 milionë punonjës në të gjithë sektorin publik, duke përfshirë transportin publik dhe aeroportet.
EVG përfaqëson rreth 230,000 punonjës në Deutsche Bahn – operator kombëtar hekurudhor i Gjermanisë, dhe kompani të tjera të autobusëve.
Ata shpresojnë se kjo do të rrisë presionin mbi punëdhënësit përpara një raundi tjetër negociatash për pagat të hënën.