August 17, 2022
Portali Shprehja

Irani thotë ka arrestuar shtetasin suedez për shkak të akuzës për spiunazh

Ministria e Inteligjencës së Iranit thotë se ka arrestuar një shtetas suedez me akuzën e spiunazhit pasi e kishte vëzhguar për një kohë.

Një deklaratë e ministrisë së inteligjencës të shtunën nuk e përmendi emrin e shtetasit suedez apo nuk dha ndonjë informacion në lidhje me moshën apo vendndodhjen e tij.

Gjithashtu mbetet e paqartë nëse ky është i njëjti individ, arrestimi i të cilit ishte njoftuar nga ministria e Jashtme suedeze në maj. Në atë kohë, Suedia kishte thënë se një turist rreth të 30-tave ishte arrestuar, por Irani nuk e kishte raportuar arrestimin.

Por deklarata e ministrisë iraniane të inteligjencës të shtunën përmendi se udhëtimet e individit të arrestuar u monitoruan nga afër që nga koha e papërcaktuar kur ai hyri në vend dhe se udhëtimet e tij ishin “kryer tërësisht jashtë destinacioneve dhe praktikave turistike”.

“Gjetjet nga struktura anti-spiunazh e ministrisë tregojnë se i dyshuari suedez ishte në kontakt me një numër elementësh të dyshuar evropianë dhe jo-evropianë në Iran, duke përdorur praktika profesionale të komunikimit dhe sigurisë dhe fshehtësinë”, thuhet në deklaratë.

Ministria tha se shtetasi suedez u rihyri në vend disa muaj më parë, menjëherë pasi u arrestua “një spiun tjetër evropian”.

Qëllimi i individit, pretendonte se ishte të zbulonte se si u arrestua personi tjetër dhe çfarë informacioni kishin ata, gjë që çoi në arrestimin e shtetasit suedez në përpjekje për të dalë nga vendi.

Ministria iraniane e inteligjencës tha gjithashtu se personi i arrestuar kishte një histori udhëtimi në Izrael.

.

Të Ngjajshme

Estonia nis heqjen e monumenteve të epokës sovjetike nga ambientet publike

Hendboll, 700.000 denarë për përfaqësesen e kadetëve

Anderson merr 300 mesazhe kërcënuese

Leave a Comment