November 29, 2020
Portali Shprehja

Ish-punëtori i denoncon për rrahje Ramush e Daut Haradinajn

Ish-kryeministri i Kosovës, Ramush Haradinaj, dhe vëllai i tij, deputeti Daut Haradinaj, para rreth tre muajve janë denoncuar në polici për “rrahjen e një punëtori të tyre”.

Në dokumentet të cilat i ka siguruar KOHA, Haradinajt i ka denoncuar në Polici një mjeke kujdestare, e cila i ka dhënë ndihmë mjekësore një personi me lëndime trupore të cilat, sipas tij, ishin pasojë e rrahjes nga vëllezërit Haradinaj.

Rastin e ka konfirmuar Policia e Kosovës. Ka thënë se e kanë intervistuar ankuesin dhe se në konsultim me prokurorin është iniciuar rast për veprën “Lëndim i lehtë trupor”.

Por pas dy javësh ankuesi ka shkuar në stacion policor dhe ka kërkuar që rasti të mbyllet. Gati 3 muaj prejse ka ndodhur ky rast, siç ka mësuar KOHA, vëllezërit Haradinaj ende nuk janë intervistuar në asnjë cilësi.

Sipas dokumenteve dyshohet se e tëra ka nisur më datë 22 qershor 2020, pak minuta para orës 15:00, ku një person ka kërkuar ndihmë në Qendrën e Mjekësisë Familjare në afërsi të ndërtesës së Telekomit, në lagjen “Dardania” në Prishtinë, jo shumë larg nga selia e AAK-së. Pacienti, identiteti i të cilit është i njohur për KOHËN, kur ka kërkuar shërbime shëndetësore sipas shkresës, ka pasur lëndime në trup dhe në sy. Mjekja e cila e ka kontrolluar pacientin e ka njoftuar Policinë menjëherë pas ekzaminimit.

Të Ngjajshme

Në Podujevë dhe Mitrovicë të Veriut mbahen zgjedhjet e jashtëzakonshme

admin

Kura natyrore e Covid-19/ Boronica dhe sherebela shqiptare po kërkohen nga Europa dhe SHBA

admin

Interesim i madh për të votuar në Podujevë, qytetarët presin ndryshim

admin

Leave a Comment