December 3, 2022
Portali Shprehja

Kapja e 400 kg drogë, ngrihet aktakuzë kundër 7 personave

Prokuroria Speciale e Kosovës (PSRK), ka ngritur aktakuzë ndaj shtatë personave të cilët u kapën me 400 kilogramë kokainë në Lipjan.

Kjo u bë e ditur në një komunikatë për media të PSRK-së, përcjell arbresh.info.

Të akuzuarit kanë inicialet: I.SH, F.V, K.SH, K.B, F.B, H.SH, N.M.

Ata po akuzohen për veprat penale: ”Pjesëmarrja ose organizimi i grupit kriminal të organizuar”, lidhur me veprën penale ”Blerja, posedimi, shpërndarja dhe shitja e pa autorizuar e narkotikëve, substancave psikotrope dhe analoge”, ”Pengimi i të provuarit apo procedurës zyrtare si dhe Mbajtja në pronësi, kontroll ose posedim të paautorizuar të armëve”.

Komunikata e plotë:

AKTAKUZË KUNDËR SHTATË PERSONAVE PËR VEPRA TË NDRYSHME PENALE

Prishtinë, 14 nëntor 2022 – Prokuroria Speciale e Republikës së Kosovës (PSRK), ka ngritur aktakuzë në Gjykatën Themelore në Prishtinë – Departamentin Special, kundër të pandehurve me iniciale I.SH, F.V, K.SH, K.B, F.B, H.SH, N.M.

Prokuroria Speciale njofton opinionin se është ngritur aktakuzë kundër të pandehurve me iniciale I.SH, F.V, K.SH, K.B, F.B, H.SH, N.M. për shkak se të njëjtit kanë kryer veprat penale ”Pjesëmarrja ose organizimi i grupit kriminal të organizuar”, lidhur me veprën penale ”Blerja, posedimi, shpërndarja dhe shitja e pa autorizuar e narkotikëve, substancave psikotrope dhe analoge”, ”Pengimi i të provuarit apo procedurës zyrtare si dhe Mbajtja në pronësi, kontroll ose posedim të paautorizuar të armëve”.

Rasti për të cilin është ngritur aktakuza, ka të bëjë me substancën narkotike të llojit kokainë në sasi prej 400 kg, e cila është sekuestruar në hapësirën e kompanisë “MC FOOD” sh.p.k. në Lipjan.

Prokuroria Speciale e Republikës së Kosovës në aktakuzë përveç tjerash ka propozuar sekuestrimin e mjeteve të cilat janë përdorur për kryerjen e veprave penale.

.

Të Ngjajshme

Më në fund MPB-ja tregoi se si seanca e mbyllur përfundoi në YouTube

Pushtoi fushën me flamurin ylber dhe disa mesazhe në fanellë, italiani zbulon se çfarë i tha Infantino pas ndeshjes

Kërkohet rritja e pagave të profesorëve në Maqedoninë e Veriut

admin

Leave a Comment