January 23, 2022
Portali Shprehja

Kërçovë, shkatërrohet këndi i lojërave pa e mbushur javën!

Të thyera dhe shkatërruara të gjitha objektet tek këndi për fëmijët. Dyer të prishura dhe gjithçka tjetër që përmbante ky kënd në lagjen “22 dhjetori” në Kërçovë. U demolua ende pa e mbushur javën që kur u lëshua në përdorim, ndërsa kryerësit e aktit vandal ende nuk janë identifikuar nga policia.

“Këtu ndodhemi në lagjen “22 dhjetori” ky është një park fëmijësh, një javë pasi u ndërtua ai u demolua. Rasti është i paraqitur në polici por ende nuk dihen autorët e këtij vandalizmi, pritet që të zbardhet rasti, ndërsa janë shkaktuar dëme të shumta materiale”.

Tact Watches

Të dëshpëruar nga kjo gjendje janë fëmijët e lagjes të cilët mezi e kishin pritur këtë kënd.

“Po jam shumë i zemëruar, sepse këtë e kanë shkatërruar të gjithën, këtu ishte shumë bukur por na e shkatërruan”.

“Po jemi të zemëruar, nuk mendoj se do ta ndërtojnë sërish”.

“Nuk është mirë, të vegjlit po luajnë ndërsa ata po i prishin, ne kemi luajtur çdo ditë këtu futboll”.

Për aktin e shëmtuar ka reaguar edhe kryetari I komunës së Kërçovës, duke e quajtur vandalizëm të pronës publike.

“Rrëzohen, demolohen, copëtohen pajisjet urbane dhe lojërat për fëmijë, duke dhënë pamje të trishtë kur i shikon në këto foto, e jo më në realitet. E PAKUPTUESHME kjo ndjenjë sulmi ndaj të bukurës dhe funksionales për një qytet me mjedis të pastër. Ngjarja është paraqitur në organet e rendit dhe reagimi i policisë ka qenë i menjëhershëm për të identifikuar, e vënë para përgjegjësisë ligjore autorët e kësaj çmendurie”, tha Fatmir Dehari, kryetar i Komunës së Kërçovës

Akte të këtilla të dëmtimit të pronës publike la pasur edhe më parë në Kërçovë. Muaj më shkatërrim të njëpasnjëshëm pësoi edhe kalaja e Kërçovës pasi u rinovua, ku prisheshin, shkatërroheshin dhe vidheshin, ulëse, kabllot elektrike dhe drita të vendosura në kala.

Të Ngjajshme

Vazhdon përballja me flakët në Manastir! Zjarrfikësit tentojnë shuarjen e zjarrit në fabrikën e bukës

admin

Maqedonia e Veriut kërkon lehtësira për hyrje në Kosovë

admin

Ngrirja e çmimeve vlen vetëm edhe 8 ditë

admin

Leave a Comment