June 18, 2021
Portali Shprehja

Konfirmohet dënimi me burgim të përjetshëm për Ratko Mlladiqin – Iliria News Agency

Gjykata e Apelit në Hagë ka shpallur sot vendimin përfundimtar kundër Ratko Mlladiqit.

Dhe siç raporton klix.ba, ai u dënua me burgim të përjetshëm, përcjell Telegrafi.

Po sipas mediumit në fjalë, ky kriminel lufte, i cili ishte komandant i përgjithshëm i Ushtrisë së Republika Srpska, u shpall fajtor sot në vendimin përfundimtar, pas të cilit nuk ka asnjë apelim, në 10 nga 11 pikat e aktakuzës.

Fillon seanca, Mlladiq pas pak do të dëgjojë vendimin përfundimtar në çështjen e gjenocidit në Bosnjë

Gjykatësit e apelit po përgatiten të japin një vendim kundër ish-udhëheqësit ushtarak serb Ratko Mlladiq, duke i dhënë fund gjyqit të fundit të gjenocidit boshnjak përpara gjykatës së OKB-së për ish Jugosllavinë.

Sipas Al Jazeera, përcjell Telegrafi, Mlladiq, 78, udhëhoqi forcat Serbe të Bosnjës gjatë Luftës së Bosnjës 1992-95.

I njohur si “Kasapi i Bosnjës”, ai u dënua në vitin 2017 me akuzat e gjenocidit, krimeve kundër njerëzimit dhe krimeve të luftës duke përfshirë terrorizimin e popullatës civile të kryeqytetit të Bosnjës, Sarajevë, gjatë një rrethimi 43-mujor dhe vrasjen e më shumë se 8,000 burrave myslimanë në Srebrenicë, Bosnjë, në vitin 1995.
Kjo ishte masakra më e rëndë në tokën evropiane që nga Lufta e Dytë Botërore dhe mbetet episodi i vetëm i gjenocidit në kontinent i njohur nga dy gjykata ndërkombëtare.

Nuk e priti vendimin përfundimtar për “Kasapin e Bosnjës”: Ndërron jetë gruaja që humbi burrin dhe djalin në Masakrën e Srebrenicës
Gjykimi i së martës një panel me pesë gjyqtarë po drejtohet nga Gjyqtarja Kryesuese, Prisca Matimba Nyambe.

Ndërkohë, nënat dhe gratë e veja të disa viktimave të vrara kur trupat serbe të Bosnjës pushtuan Srebrenicën ishin jashtë gjykatës në Holandë, ku kanë bërë thirrje për drejtësi.

Avokatët e Mlladiqit apeluan dënimin e tij dhe argumentuan se ish gjenerali nuk mund të konsiderohej përgjegjës për krimet e mundshme të kryera nga vartësit e tij. Ata kërkuan një pafajësi ose një rigjykim.

Të Ngjajshme

Nis Samiti në Vjenë, këto janë temat që po diskutohen – Iliria News Agency

admin

Ja pse Holanda votoi pro nisjes së negociatave mes BE-së dhe Shqipërisë – Iliria News Agency

admin

Takimi i Vjosës me Erdogan in – Iliria News Agency

admin

Leave a Comment