July 28, 2021
Portali Shprehja

Kontejnerë të posaçëm për hedhjen e mbetjes organike të “kurbaneve”

Edhe këtë vit, në komunat e Shkupit në të cilat festohet Kurban Bajrami, N.P. Higjiena Komunale-Shkup do të vendosë kontejnerë të posaçëm në të cilët qytetarët do të mund ta hedhin mbetjen organike të kurbaneve.
“Tashmë tre vite me radhë, në prag të shënimit të festës së Kurban Bajramit, NP Higjiena Komunale-Shkup vendos enë speciale të parapara për hedhjen e mbetjes organike. Edhe këtë vit, gjatë periudhës 19-21 korrik, Ndërmarrja do të vendosë 17 kontejnerë në më tepër lokalitete në komunat Çair, Butel, Gazi Babë, Shuto Orizare dhe Saraj. U bëjmë thirrje besimtarëve që mbetjen e tyre organike ta hedhin vetëm në këto enë, sepse hedhja e saj në sipërfaqe publike mund ta rrezikojë seriozisht shëndetin publik dhe të ndotë ambientin jetësor.”- tha Drejtori i NP Higjiena Komunale-Shkup, Abdusamed Shabani.

Lista e lokaliteteve ku do të vendosen kontejnerët për hedhjen e mbetjes organike:

1. Komuna Shuto Orizare (stacioni i fundit i autobusit nr.19; afër nënkalimit; në afërsi të xhamisë Hamdipasha; te Qendra e sportit)
2. Komuna Butel (në afërsi të xhamisë Fetah Efendi; në afërsi të xhamisë Bedër – Butel 1)
3. Komuna Gazi Babë (në afërsi të xhamisë në Hasanbeg; stadiumi Gazi Babë)
4. Komuna Çair (ish lokaliteti i NPHKSH; në afërsi të xhamisë së re në Çair; në afërsi të teqesë në Dyqanxhik; te selia e mëparshme e Myftinisë së Shkupit në Kala)
5. Komuna Saraj (te komuna e vjetër e Sarajit; në afërsi të xhamisë së Nerezit të mesëm)

.

Të Ngjajshme

Aksion i madh policor në Shkup, disa të arrestuar

admin

Makina me shpejtësi 213km/h në autostradën e Maqedonisë! MPB shqipton 297 dënime për vozitje të shpejtë

admin

Rama dhe Vuçiq sot dhe nesër do të qëndrojnë në Shkup

admin

Leave a Comment