May 28, 2022
Portali Shprehja

Kurti kërkon nga Greqia që ta njohë Kosovën

Kryeministri i Kosovës, Albin Kurti ka pritur sot shefen e sapoemëruar të Zyrës për lidhje të Greqisë në Prishtinë, Heleni Vakali ku ka kërkuar nga vendi i saj që ta njohë pavarësinë e Kosovës, njofton korrespondenti i MIA-s në Prishtinë.

Tact Watches

Në kumtesën e Pres shërbimit qeveritar theksohet se Kurti ka kërkuar nga Vakali që “Greqia t’i bashkohet shumicës së anëtarëve të Bashkimit Evropian” që e njohin Kosovën si shtet të pavarur.

“Duke i uruar mirëseardhje z. Vakali, kryeministri Kurti i ka theksuar si të mira marrëdhëniet mes dy vendeve dhe mundësinë e thellimit të tyre përmes rritjes së shkëmbimit tregtar dhe bashkëpunimit ekonomik dhe investimeve”, thuhet në kumtesë.Shefja e re e misionit diplomatik grek në Prishtinë ka deklaruar se “edhe pse ende nuk e kanë njohur pavarësinë e Kosovës, Greqia ka arrit të zhvillojë marrëdhëniet diplomatike pa asnjë problem”.

“Ambasadorja Vakali ka deklaruar se është e nderuar me detyrën e re që e ka pranuar dhe se Greqia është e sinqertë dhe mike e fortë e Kosovës…Ajo ka thënë se është e impresionuar nga potenciali i madh që ka Kosova dhe mundësitë që ekzistojnë për bashkëpunim bilateral”, thuhet në kumtesë.

Kurti dhe Vakali janë dakorduar se duhet të vazhdojnë projektet e përbashkëta në arsim dhe kulturë dhe organizimin e forumit të ardhshëm ekonomik.

Nga 25 vendet anëtare të BE-së, përveç Greqisë, pavarësinë e Kosovës ende nuk e kanë pranuar edhe Spanja, Sllovakia dhe Qipro.

Të Ngjajshme

Ambasada e SHBA-së: Mbështesim “Ballkanin e Hapur”, i suksesshëm vetëm nëse përfshin të gjitha vendet

admin

Deputeti rus kërkon që Putini t’i japë fund luftës në Ukrainë

admin

Serbia vendi që humb më së shumti banorë në gjithë botën

admin

Leave a Comment