June 27, 2022
Portali Shprehja

Kurti me pjesëmarrësit e konferencës “E ardhmja e transportit” flet për prioritetet në energji të ripërtëritshme

Kryeministri i Kosovës, Albin Kurti ka pritur në takim pjesëmarrësit e konferencës parlamentare ndërkombëtare “E ardhmja e transportit”.

Tact Watches

Në këtë takim, Kurti bisedoi me ta për marrëdhëniet e mira ndërshtetërore të Kosovës dhe vendeve pjesëmarrëse në konferencë dhe për mundësitë e bashkëpunimit.

“Kryeministri Kurti theksoi progresin e shënuar gjatë këtij viti në indikatorët ekonomikë dhe ata të demokracisë, për menaxhimin e suksesshëm të pandemisë, dhe për synimet e Republikës së Kosovës për anëtarësimin në Këshillin e Evropës dhe programin e Partneritetit për Paqe të NATO-s. Ai veçoi investimet e Qeverisë së Republikës së Kosovës në hekurudha, politikën energjetike 2022-2030 për Kosovën dhe prioritetet e qeverisë për investime në energji të ripërtëritshme.”, thuhet në komunikatë.

Njoftimi i plotë:

Kryeministri Kurti priti në takim pjesëmarrësit e konferencës parlamentare ndërkombëtare “E ardhmja e transportit”

Prishtinë, 18 qershor 2022

Kryeministri i Republikës së Kosovës, Albin Kurti, priti në takim pjesëmarrësit e konferencës së parë parlamentare ndërkombëtare “E ardhmja e transportit”.

Në takim u bisedua për marrëdhëniet e mira ndërshtetërore mes Republikës së Kosovës dhe vendeve pjesëmarrëse në konferencë si dhe potencialin e mundësitë e forcimit të bashkëpunimit.

Kryeministri Kurti theksoi progresin e shënuar gjatë këtij viti në indikatorët ekonomikë dhe ata të demokracisë, për menaxhimin e suksesshëm të pandemisë, dhe për synimet e Republikës së Kosovës për anëtarësimin në Këshillin e Evropës dhe programin e Partneritetit për Paqe të NATO-s. Ai veçoi investimet e Qeverisë së Republikës së Kosovës në hekurudha, politikën energjetike 2022-2030 për Kosovën dhe prioritetet e qeverisë për investime në energji të ripërtëritshme.

Krahas shprehjes së mirënjohjes për vizitën në Kosovë, pjesëmarrësit potencuan gatishmërinë për angazhimin e tyre me qëllim të thellimit të bashkëpunimit ndërshtetëror, rritje të shkëmbimeve tregtare, investimeve dhe zhvillimit të turizmit.

Të pranishëm ishin kryetarët e Komisioneve Parlamentare për Mjedis dhe Transport dhe anëtarë të këtyre komisioneve nga Turqia, Estonia, Kroacia, Maqedonia e Veriut, së bashku me kryetaren e Komisionit për Mjedis, Ushqim, Bujqësi, Planifikim dhe Zhvillim të Kuvendit të Republikës së Kosovës, Fitore Pacolli, ekspertë të kësaj fushe, përfaqësues të organizatave joqeveritare dhe studentë nga departamenti i Komunikacionit dhe Transportit nga Universiteti i Prishtinës.

.

Të Ngjajshme

Ikja e të rinjve boshatis tregun e Kumanovës

admin

Trump për abortin: “Gjykata e Lartë shpall fitoren e jetës”

Do të “sundojmë” në Ballkan, kërkojmë kushte më të mira

Leave a Comment