September 24, 2020
Portali Shprehja

Lëvizja Vetëvendosje kundër Marrëveshjes që u nënshkrua në Shtëpinë e Bardhë

Lëvizja Vetëvendosje e kritikoi ashpër marrëveshjen për normalizimin ekonomik mes Kosovës dhe Serbisë, të nënshkruar në Uashington, duke thënë se disa nga pikat e saj janë “gabim” dhe “shkelin Kushtetutën e Kosovës”. Zyrtarë të saj u ndalën në mënyrë të veçantë tek pika 7 e paktit, e cila lidhet pikërisht me përdorimin e përbashkët të Liqenit të Ujmanit, i cili është jetik për furnizimin e Kosovës me ujë dhe energji.

“Për herë të parë, një kryeministër i papërgjegjshëm u pajtua që Ujmani të jetë pjesë e negociatave me Serbinë. Resureset e Kosovës janë të patjetërsueshme. Këtë e përcakton edhe Kushtetuta e Kosovës”, deklaroi Glauk Konjufca i Vetëvendosjes, duke shtuar se ai që mendon t`i jape burime Serbisë, bën një krim të madh.

Edhe qytetarë të thjeshtë e shohin me skepticizëm marrëveshjen e kundërshtia e pjesës më të madhe të tyre, lidhet pikërisht me Ujmanin.

‘Ne nuk po na duket mirë. E kemi sjell Serbinë në Kosovë vetë. Kalimi i saj nëpër të gjithë Kosovën prej këtu deri në Durrës deri në detin Adriatik’- thotë Ejup Dervisholli.

‘Sipas mendimit tim nuk është bash e mirë. Nuk është bash e mirë sepse pikë së pari Ujmani disi po më duket nuk është ndarë bash si duhet, ndoshta edhe nuk është dashur të ndahet fare. Për mua kjo nuk është e kënaqshme as për qytetar as për shtet as për askënd’- tha Rrahman Rrahmani

‘Dalja në bregdet për shembull nuk e kisha lavdëruar aq shumë edhe shfrytëzimin e Ujmanit nuk është e qartë shumë se ç’ka kanë të drejtë ata serbët me shfrytëzua në Ujman. Me i sqarua gjërat dhe me qenë më transparent në Kuvend kishte me qenë më mirë’- u shpreh Fatmir Sherifi.

Pikë e marrëveshjes ishte dhe lidhja e infrastrukturës hekurudhore Beograd-Prishtinë me një port në det të thellë në Adriatik, si dhe një studim fizibiliteti, me qëllim përdorimin e përbashkët të Ujmanit.

Të Ngjajshme

Gjatë natës shënohen 6 tërmete në Shqipëri, ja ku ishte epiqendra

admin

Provime me para studentëve, si u kapën “mat” profesori dhe…

admin

Hoti s’e di nëse do të takohet me Serbinë më 28 shtator

admin

Leave a Comment