January 16, 2021
Portali Shprehja

Lista e pasanikëve të Amerikës: Nga shefi i Amazon tek Donald Trump

Për të tretin vit radhazi, shefi ekzekutiv i Amazon Jeff Bezos kryeson listën e amerikanëve më të pasur ndërsa rankimi i presidentit të SHBA Donald Trump ka shënuar rënie, për shkak se pandemia e koronavirusit preku godinat e zyrave, hotelet dhe vendpushimet.

Pasuria e përgjithshme e listës së Forbes 400 u rrit në një rekord 3.2 trilionë dollarë, pasi amerikanët më të pasur vazhduan të shtonin të ardhurat pavarësisht se pandemia e koronavirusit shkatërroi ekonominë dhe bëri që më shumë se 1.8 milion amerikanë të humbin punën e tyre.

Eric Yuan, shefi ekzekutiv i Zoom Video Communications, i cili është bërë i kudondodhur në epokën “punë nga shtëpia”, është një nga 18 të saposhtuarit në listë, me një pasuri neto prej 11 miliardë dollarësh.

Trump nga vendi i 275 ka shkuar në 352, teksa pasuria e tij u shtua me një vlerë neto prej 2.5 miliardë dollarësh, nga 3.1 miliard dollarë që ishte vitin e kaluar.

Shkak u bë kriza që shkaktoi pandemia dhe ndikimi i saj tek ndërtesat e zyrave, hotelet dhe vendpushimet. Trump ndërkohë është në një beteje ligjore me prokurorinë e Manhatanit për shkak se prej kohësh refuzon të japë regjistrat e taksave.

Emra të tjerë në listën e Forbes 400 përfshijnë Jim Koch, bashkë-themelues i Kompanisë së Birrës Boston dhe Trevor Milton, themelues i ndërmarrjes së prodhimit të kamionëve elektrikë Nikola.

Lista vjetore mund të shërbejë si një mënyrë për të gjurmuar njerëzit më të pasur në vend që kanë më shumë pushtet, tha Kerry Dolan, ndihmës redaktore në Forbes.

Të Ngjajshme

Sa kushton prerja e flokëve nëpër botë? Zvicra do t’ju habisë

admin

Pse në Britani i kanë nga dy çezme në lavaman? Kjo është historia

admin

Të dashuruar në shkollë të mesme, ribashkohen dhe martohen pas 70 vitesh

admin

Leave a Comment