November 27, 2022
Portali Shprehja

Maqedonia e Veriut merr 110 milionë eurot e para nga FMN

Maqedonia merr këstin e parë prej 110 milionë euro nga huamarrja e fundit e miratuar nga Fondi Monetar Ndërkombëtar prej 530 milionë euro përmes Instrumentit për maturi dhe likuiditet, njoftojnë nga Ministria e Financave.

Më parë, Bordi i Drejtorëve të FMN-së miratoi kredinë për Maqedoninë në kuadër të Instrumentit për maturi dhe likuiditet.

Sipas Ministrisë, fondet janë për përballimin e “goditjes që vjen nga jashtë, për mbështetjen e qytetarëve dhe kompanive dhe stabilitetin në furnizimin me ushqime dhe energji”.

Këto 110 milionë euro do të tërhiqen menjëherë dhe do të përdoren deri në fund të këtij viti kalendarik dhe kësti i radhës prej 155 milionë eurosh do të përdoret gjatë vitit 2023.

Ministria shton se pjesa tjetër ofrohet vetëm si masë paraprake dhe rezervë për vendin.

Të Ngjajshme

Rekordi u thye: Amerikanët shpenzuan mbi 9 miliardë dollarë për BLACK FRIDAY!

Tifozët japonezë shpjegojnë pse pastrojnë stadiumet pas ndeshjeve në Katar

Turqia dridhet sërish, një tërmet me magnitudë 4.3 ballë

Leave a Comment