Ëndrra e Kylian Mbappe dhe PSG-së për të fituar Ligën e Kampionëve u shua para kohe. Nga nokauti i parë, nga eksperienca të ndryshme, Bajern Munihu u kualifikua për në çerekfinale duke lënë jashtë yllin francez dhe skuadrën e tij.
Në të njëjtën kohë, skuadra që luftoi si askush tjetër për ta blerë në të kaluarën, Real Madridi i 14 trofeve të Ligës së Kampionëve, është me një këmbë e gjysmë në çerekfinale pas fitores së thellë 5-2 në ndeshjen e parë përballë Liverpulit.
Eliminimi i francezëve, nuk mbeti pa u zënë nga mediat spanjolle dhe në veçanti nga “Marca”, e cila ia kushtoi faqen e parë Mbappes, duke i dërguar një ftesë për t’u transferuar te spanjollët e Real Madrid. “Nëse doni të fitoni Championsin, ju e dini..”, shkruhej në ballinën përkatëse duke iu referuar Mbappes, i cili refuzoi Realin në verën e vitit 2022 duke frimosur një kontratë të re të jashtëzakonshme dhe përrallore me PSZH.
.