“Nënshkrimi i një kontrate me Lionel Messi-n është qartësisht objektivi numër një për Jorge Mas”. Kjo është deklarata e bërë për L’Equipe nga menaxheri Jerome Meary.
Ai ka pohuar se një nga pronarët kryesore të Inter Miami, klub i MLS-së që ka ish-yjet e Manchester United, David Beckham si president, dhe Phil Neville si trajner, duket se është vënë në lëvizje për argjentinasin, kampion i freskët i botës.
“Diskutimet e para janë zhvilluar në qershorin e 2021-shit, para se Messi të nënshkruante me PSG-në. Bisedat kanë rifilluar, me Jorge Mas që ka kaluar shumë kohë me përfaqësuesit e Messi-t gjatë Kupës së Botës të zhvilluar në Katar në dhjetor”, ka përfunduar Jerome Meary.
Me këto deklarata, Meary nënkupton se përfaqësuesit e Pleshtit dhe klubi amerikan nuk i ka dhënë kurrë fund negociatave të bujshme që kanë filluar që nga vera e largimit të papritur të Leo Messi-t nga Barcelona pas 18 vitesh.
.