Milan është kthyer në fushë për javën e 36-të të kampionatit italian.
Pas një eliminimi zhgënjyes në Champions League kundër rivalëve të Inter-it, kuqezinjtë tani luajnë për të sigurua një vend mes katër të parëve në kampionat.
Skuadra e Pioli-t pret në San Siro Sampdoria-n e rënë nga kategoria. Diferencat mes dy skuadrave në renditje janë parë edhe në fushë në 45 minutat e para.
Vetëm 9 minuta kanë mjaftuar për milanezët që të gjenin golin e avantazhit me Rafael Leao, i cili ka dërguar topin në rrjetë me një goditje të bukur pas asistit të marrë nga Diaz.
Reagimi i Sampdoria-s ka ardhur pothuajse menjëherë duke barazuar shifrat me Quagliarella-n pas një aksioni të bukur nga krahu i majtë i Zanoli-t.
Megjithatë, festa e miqve ka zgjatur vetëm 3 minuta me Giroud që ka kthyer në avantazh kuqezinjtë pas një tjetër assiti të Diaz. përsëri francezi ka shënuar për Milan-in në minutën e 29-të nga pika e bardhë pas penalltisë së fituar nga Leao.
.